منقذي من الهلاك

هلاك 55

راجع بطرگ المواجع
حيل أطخ راسي بشبابيچك ندم
ضايع يدور أعله ضايع .

..موج ..

" منقذي من الهلاك"

...بقلمي روح...
_________________________
تصويتكم ومتابعة حسابي تعليقاتكم الحلوة بين الفقرات احبكم 🤍🦋

ترف ..

نزلت ورا مهيع اشرب مي وطلعت ورا وفتحت عيوني بصدمة لشكل موج وهي واگعة بين ادين مهيع الما تقل صدمتة عن صدمتي ..

ركضت الهم ومهيع استوعب وشالها بين ادي وركض بيها لصالة خلاها عالقنفة وگعد عالركبة گبالها مسح على وجها وحچة بنبرة كلها خوف ..

المهيع: موج بنياتي يروحي ..

فتحت عيونها وبس وگعت عيوها على مهيع غطت وجها بديها صارت تشهگ .. لزم اريدها وبعدها عن وجها وشال رأسها ضمها وهي تشبچت بي بكل وقتها وجسمها يرجف ..

المهيع : أاش ما عاش اليبچيچ وانة عايش واجر الهوى كافي يروحي انة يمچ انة وياچ ليش هل رجيف اهدي بنيتي..

ردت صوتها يرجف وهي تبچي على صدرة ..

موج : انة غلطت انة غبية چان لازم اسمعلك انة غلطت ..

وفقدت وصارت تضرب على وجها وتصرخ .. وكلها نزلت على صوتها ..

عمتي : يمة بنيتيي شبيهاا ..

عمي: شبيها موج مهيع شبيهااا مووج ..

تقربت عمتي منها تريد تلزمها ما تگدر وموج فقدت بعد ما تشوف گدامها ولا تسمع وبس تصيح ..

موج: انــــة غبيية چاان لازم اسمعلك انة غلطت ..

لزمها مهيع وضمها بقوة يحاول يسيطر عليها وحاچاها بهدوء وعيونة صارن دم وجها تصلب بغضب ...

المهيع: اشش ما غلطتي انتي دايماً الصح انة يمچ انة سندچ ما اسمحلچ تطيحين وانة بظهرج بنيتي يروحي لا تسوين بنفسچ هيچ تراچ تاذيني انتي مو تگولين انة اعتبرك مثل أبوي چا ينطيچ گلبچ تاذيني بيچ امسحي دموعچ وصيري قوية اخوات المهيع ما يصعفن دومهن قويات ومرفوعات راس ما ينزلن دموعنهن بسهولة .. يلة يروحي گومي وياي وكافيج بچي كلشي تردي يجرالج بيچ خير وادللي وتاخذين حگچ ومن هل عين گبل هاي العين ..

وگفها ومشاها وهو لازم ايدها وچتفها... ودموعها تنزل بهدوء ... دخلها للحمام وغسل وجها وباس جبينها.. رجع اخذها للغرفة گعدها وهو نام وفتح ايدة الها ..