منقذي من الهلاك

هلاك 23

قال العقل دعةُ لاتزرة ..

وقال القلب فلتذهب الية ..

حديث العقل موضوع ولكن...

...( حديث القلب متفق عليه)...

~~~~~~~~~~~~~~~~~~~~~~~~

...« منين گلبچ خايف تراني عاشگ من صدگ وبوسط نبضچ عايش »...

...المهيع...

~~~~~~~~~~~~~~~~~~~~~~~~~~
__________________________________

گاعدة وافكر بكلام مهيع ..ماعرف شنو اسوي حايرة .. دخلت اسيل گعدت اگبالي وگالت..

اسيل:ليش عيونچ حمر وشبيچ اليوم ..

نزلت راسي وفركت وجهي ...اخذت نفس وزفرتة وگتلها...

ترف: ما اعرف اني بنفسي ما اعرف شسوي وشريد حايرة اسيل وما اعرف اصرف ..

أخذ نفس ولزمت ايدي وگالت...

اسيل: لا اضلين تفكرين وخليها ورى ربچ هو يحلها ..

هزيت راسي.. وضليت اباوع عالفراغ ..فجاء اجت شغلة بالي ..باوعت لاسيل وگتلها ..

ترف: علي موجوود ..

هزت راسها وگالت...

اسيل: اي بالغرفة ليش ؟..

هزيتلها راسي وگمت من مكاني ورحت لغرفة علي ..واسيل اجت وراي .. دخلت. للغرفة جان گاعد على الجرباية ويلعب بالجهاز ..من انتبهلي ابتسم واشرلي يمة وگال ...

علي: تعاي حبيبة اخوهاا ..

ابتسمت ورحت يمة ضمني لصدرة ..وگال ..

علي: شبيچ اليوم شو احسچ ضايجة..

اخذت نفس وزفرتة وگتله....

ترف: علي اريد اطلب منك طلب ..

هز راسة وأشر على عيونة وگال ..

علي: من هاي قبل هاي اطلبي ..

ابتسمت وگتلة ..

ترف: ا-اريد ترجع تحجزلي يم الدكتور النفسي ..

عگد حواجبة وگال...

علي: ليش ترفة شبيچ حتى احجزلچ..

عضيت باطن شفتي من الداخل..رفعت راسي وباوعتلة وگتلة بصوت مهزوز...

ترف: محتاجة احچي وياا فدوة علي احجزلي ولا تجيب طاري لامي لأن تقلق ..

ابتسم وباس راسي وگال ..

علي: من اعيوني العصر انروح ..

هزيت راسي .. وخليت ورجعت لغرفتي خليت ورجعت نمت ... گعدت العصر غيرت ملابسي وخلينة وطلعنة اني وعلي ...

وصلنة للعيادة بسرعة دخلوني وعلي بقة برة .. دخلت للغرفة سلمت  انتبهلي الدكتور ابتسم وگال.