وكأن عيناك استحلت جميع شوارع قلبي والأزقة ...
قرائة ممتعة ...
_______________________
الموصل ...2014..
: بعز نومتي واسمع صوت يصيحني بس اني مالي حيل ارد
: ولجج گومي راح تتاخرين على دوامچ يول ترف يلة يوم
ترف : اوفف هاهية هاهية گومت .. رحت للحمام واني ادردم ..واحد ماينام ابد كلة من ورا الدوام اوفف
ام ترف: شبيچ دردمين يلة بسرعة امشي صلي وغيري ملابسچ راح تتاخرين
ترف: ماشي ... رحت صليت وغيرت ملابسي
طبعا اني صف سادس وهاي آخر سنة الي واخلص من ضيم الدوام ههه ...
طبعا نسيت اعرفكم على عائلتي اني البنت الوحيدة عدي تلث اخوان علي الچبير صيدلة وأحمد رابع سنة هندسة وامير اول سنة تحليل واني اخر وحدة المدللة ههه أبوية متقاعد هاي عائلتي وطبعا نسيت اگلكم احنة اصلنة بغداد بس اضطرينة من سبع سنين انو ننتقل للموصل..
ترف : صباح الخير
ابو ترف: صباح النور بنياتي حبيبة ابوها
ترف : رحت بستتة بخدة
امير: بدت الواگة من الصبح
ترف : همزين تعرف نفسك
علي : ههه هيچ احسلك اكلها .. تعاي ترفة تعاي بنيتي اطيني بوسة
ترف: حبيبي علاوي الگيمر ..
سمعنة صوت احمد وهو ينزل من الدرج
احمد: إذا علي گيمر لعد اني شنو
ترف: ههه انتة العسل .. ورحت شبگتة
امير : واني شنوو
ترف: باوعتلة بنص عين.. انتة العلف
وچان يموتون من الضحك ...
علي : هههه حيل
امير: اليوم اني الچ اني العلف ولچ تعاييي
ترف : يمهه صرت اركض وهو يركض وراي لحد ماصاحت امي..
ام ترف: ولكم كافي صدگ تحجون يلة اگعدو راح تتاخرون...
گعدنة واحنة جاي ناكل ابوي فتح موضوع
ابو ترف: الوضع صاير مو زين هاي الايام والعالم مگلوبة
علي: ااي صح وعلى أساس داعش داخل للموصل
احمد: اي حتى صديقي راح يروح هو واهلة منا ايگول ما اگدر اجازف واضل
امير: واحنة شنو نسوي
ابو ترف: أن شالله ماكو شي
ترف: چنت اسمعلهم واحس اختنگت شلون بينة وبالوضع هذا ماادري ... اندگت الباب ... علي تگدر توصلني اني واسيل للدوام
أنت تقرأ
منقذي من الهلاك
Acciónفتاه تذهب اسيرة لداعش وتفقد أهلها وستكون أيامها من اصعب ايام حياتها ياترى ستنقذ من هذا الهلاك وترجع لحياتها ... "بالهجة العراقية " الكاتبة : روح "
