منقذي من الهلاك

هلاك50

يا احلى حمامة بهل سلف گلبي هواها ...

" منقذي من الهلاك"

... بقلمي روح...
_________________________
تصويتكم ومتابعة حسابي وتعليقاتكم بين الفقرات احبكم 💕..

نزل مهيع عبارة عن بركان من الغضب وجها محتقن والشرار تطافر من اعيونة.. رجف حيلنة وركضنة ورا ..

وصل لبيت عمي ودفع الباب ودخل يصيح بكل غضب ..

المهيع : ولچن برابييگ ..

دخل وركض صعد لدرج بكل غضب لدرجة حسينة الگاع راح تتفلش من صوت ركضة ثواني وما نشوف بس نزل وهو لازم شعر هبة بيدة ويسحلها وهي تبچي تصرخ ..

ذيچ اللحظة كل حيلنة باد ولا وحدة تجرات تدنالة ..

هبة : ولچج يمة الحگيلي رااح امووت ..

دار عيونة ويباوع بغضب لحد ما وگعت عيونة على عمتي ابتسم برعب وتقرب منها وهي ترجع ليورة وترجف ..

وامي لازمة ايدة الأزمة شعر هبة ..

ام المهيع: يمة استهدي برحمان كلشي ينحل بداعتي يمة جر نفس وخلينة نحلها على كيفك ..

لزم عمتي وجرها بيدة الثانية من شعرها واخذهن سحل طلعهن بطارمة وخلاهن بالگاع گاعدات وثنينهن يرجفن ...

المهيع: كلمة وحدة ما اثنيها شلاعبات من وراي ؟

هبة: و-واللة كلشي ما مس.....

وقبل لا تكمل ما نشوف بس خدها اندار لجهة الثانية من قوة الراجدي ..

المهيع : شااالچن اللة يا گح...

حسيت مهيع تخبل فتحت جهازي واصلت بعلي ..

علي: الوو..

موج: رديت بصوت يرجف ... علي الحگ مهيع ..

علي: ثواني ويمچ..

دار وجها وعيونة تباوع بكل غضب امي صارت تبجي وتتوسل بي بس ابد ما يسمعلنة ..

راح ثواني وفتحنة عيونة من شفنة بيدة قايش مال مبردة ...

عمتي صارت تشهگ وتحچي ..

عمتي: ا-انة عمتك مهيع لا ت-تسويها ..

ابتسم بغضب ورد عليهاا بفحيح غاضب ..

المهيع: چا شلون سويتيها بترف من سويتي سوالف الگ--- ما خفتي شعبالچ ما راح ادري بسحورتچن ولچن امي من چانت عدلة ما خلصت منچن لحد ما خبلتنها وخليتنها تمووت تالي ترجعن على ترف لا وحگ الامير علي مو أنة الاسكت عن الحگ ..