منقذي من الهلاك

هلاك 38

بعد المسافات يؤذي القلب

وتشوق العين لرؤيتك

الى متى هذا الجفا يا معذبي

فأني تعبت واشتد قلبي شوقاً للقياك ..

بقلمي .. روح ...

____________________________

تصويتكم ومتابعة حسابي وتعليقاتكم بين الفقرات احبكم ...

موج ...

فتحت عيوني بصدمة واحس گلبي وگف واني اشوف ترف صرخت وگعت من الدرج والگاع صارت عبارة عن دم.. رگضت الها واني حيلي يرجف ودموعي تنزل على حالها شلت راسها وادية صارت عبارة عن دم وخليت راسها بحضني..

موج : ت-ترف اگعدي ترف باعيلي ف-فتحي عيونچ ترف لا تسوين هيججج ولچججج يمممة الحگيليي ..

درت وجهي واني اشوف مطر واگفة وعيونها على ترف مصدومة اجت امي تركض وشهگت من شافتها  ..

عمتي : ولججج يمة عزاا العزااني اگعدي يمة  اروحلچ فدوة وللج تررف يمممة ..

ثواني وما احس بس واحد شالها مني باوعتلة واني دموعي تنزل واشوفة علي .. گبل اخذها وطلع يركض گمت من گوة واحس جسمي كلة يرجف اخذت عباية وطلعت وراهم .. گعدت بالگدام وامي مخلية ترف بحضنها ونبچي على حالها..

علي : عمة لا تخافين أن شالله مابيها شي

عمتي : ولك يمة شگل لبني من يسالني على خرزايتة شگلة وهو أمني بيها اگلة ما صنت امانتك  ..

علي : أن شالله ماكو شي ادعيلها ..

وصلنة للمستشفى بسرعة نزل اخذها من امي وركض بيها للمستشفى وگبل أخذوها الدكاترة ودخلوها عمليات گعدت بالگاع لأن احس رجلية بعد ما شيلني .. اجت مطر  هي وابوية ..اجت علية شبگتني وهي تبچي ..

مطر : ت-ترررف راح اتموت راح تعوفنة م-مهيع يموت وراها ما يتحمل ..

موج : اشش لاتخافين ترفة قوية وهسة تطلع منها كلشي ما بيها وترجعلنة هسة هي محتاجة دعائنة محتاجتنة وياها ..

ضليت شابگتها واحنة نبچي عليها ..لحد ما دخلو أهلها كلهم وباين عليهم الخوف ..

علي : اختييي وين شبببيها تررف ..

راحلة علي  وحچة ويا..

علي : خوية گول يا اللة أن شالله مابها شي هسة  دخلوها للعمليات ..

ام ترف: يمة بنتي راح تروح مني ما شافت راحة بحياتها يمة شلون بية ياربي اريدها منك كلشي ولا بنيتي أخذ روحي ولا يصير عليها شي  ..