منقذي من الهلاك

هلاك 46

أبصرت بعيناك واني من دونها من المعتمين..

ولو كان حبك ذنب فإني من المذنبين

"منقذي من الهلاك"

...بقلمي روح..

________________________

تصويتكم ومتابعة حسابي وتعليقاتكم بين الفقرات احبكم..

ترف : م-مهيع اريدك خ-خايفة

ثواني وانفتح الباب بقوة ودخل مهيع ومعالم وجها كلها خوف وقلق علية .. تقرب مني ولزم وجهي وبعد شعري عني وحچة بقلق...

المهيع: شبيچ حبيبي اهدي هاي اني يمچ أخذي نفس ماكو شي اهدي على كيفچ..

صرت اتنفس على كيف واحس جسمي نحلان ومخنوگة احس اكو ثگل على صدري مانعني اتنفس ..

صعدن النسوان كلهن وامي گعدت من الطرف الثاني خايفة علية ..

ام ترف: شبيچ يمة شجاج ..

الحجية : شو حدرو عنها خل اگعدن يمها ..

بعد مهيع عني واجت الحجية گعدت يمي ولزمت راسي خلتة بحضنها وصارت تقرة علية قران وصدگ هنا شوية شوية حسيت نفسي احسن وصرت اتنفس .. گعد مهيع يمي ولزم ايدي باس باطنها وحچة ..

المهيع: حبيبي گومي وياي خل اخذچ للمستشفى ..

الحجية : لا يمة ما راح يسويلها شي المستشفى مريتك عين صايبتها لاتخاف مابيها شي ما تحتاج مستشفى .. امشنة خلنها ترتاح ..

خلن وطلعن ضل بس مهيع .. تقرب مني وجرني نيمني على صدرة ..

المهيع: شتحسين هسة ..

بلعت ريگي وحچيت بتعب ..

ترف : احسن بس خايفة ..

المهيع: من شنو خايفة؟

غمضت عيوني بقوة واحس ايدي ترجف ..حس علية ولزم ايدي فتحها وباس باطنها بقوة وهمس..

المهيع: أنة يمچ ليش هل خوف ..

ترف : ش-شفت نفسي بحفرة وچان اكو حبل مشدود برگبتي ويخنگني ..

المهيع: ااش اهدي هذا كابوس وانتهى هذا أنة يمچ وما اخلي شي يمس شعراية منچ ..

هزيت راسي وتقربت منة أكثر وضميتة وهو ضمني بكل قوتة .. ضلينة ساعة واحنة بهاي الحالة وعيني ما تغمض لحد ما رفعت راسي واجت عيني بعيونة ابتسم وشال ايدة مسد بابهامة على خدي وهمس..

المهيع: ليش ما تنامين ؟

ترف : ما نعسانة خل ننزل جوة ..

المهيع : توو ماشفتي البرابيگ شلون طگنچ بعين ..

ترف : السانك ..