منقذي من الهلاك

هلاك 24

والحب في الروح لا في الجسم موطنة..

أن فارق الجسم فالأرواحُ تتصلُ..

~~~~~~~~~~~~~~~~~~~~~~~

..« كلشي بية يگول اريدك حتى خوفي ومستحاي»..

...ترف...

~~~~~~~~~~~~~~~~~~~~~~~~~~~
__________________________________

المهيع: طلعتي صدگ كارهتني خرزايتي وما تحبيني...

احس گلبي نمرد من سمعت نبرتة المستوطنها الم وحزن .. بلعت ريگي وگتلة بصوت مهزوز...

ترف: ش-شبيك مهيع ليش داتحچي هيچ ..

سمعتة تنهد بعمق ..ورجع همس بنفس النبرة...

المهيع: ليش رفضتي ليش ما وافقتي ..

عگدت حواجبي وأخذت نفس ورديت ..

ترف: مهيع والله ما داافتهم على شنو داتحچي ..

رجع رد عليها ...

المهيع: البارحة مو خطبتچ ليش ما وافقتي...

فتحت عيوني بصدمة ورجف جسمي وعيوني غورگت بدموعها... رديت عليه بصوت مهزوز...

ترف: م-مهيع ش-شنو البارحة خطبتني اني ما ادري واللة ..

رد عليها بكل لهفة ...

المهيع : يعني انتي  ما رفضتي ..

نزلت دموعي وهمست ..

ترف: واللة ما اعرف بالموضوع وما رافضة ..

جر نفس بعمق وزفرة ورد بصوت هادئ...

المهيع: تعرفين شصار بية من فكرت انتي رفضتي واللة احس الدنيا اسودت بوجهي .. وعدد ياترفة گلبي.. انتي الي واخذچ اخذچ لو اعرف أضل طول العمر امشي عليچ ما امل لحد ما يقبلون اهلچ وانة الممنون ..

مسحت دموعي ورديت علي...

ترف: وما راح تمل وتعوفني ..

ابتسم ورد عليها ...

المهيع::٠  امل من الدنيا كلها وما امل منچ اكو واحد يمل من گلبة انتي گلبي وروحي.. بدونچ أنة بلاية روح ...

گلبي دگ لمجرد سماع كلامة .. اخذت نفس وزفرتة وگتلها...

ترف: وهسة شراح تسوي...

أخذ نفس وزفرة ورد ...

المهيع: عوفيها علية أنة.. لاتخافين انتي الي وانة مقسوملچ..

ابتسمت  ..رجع رد ..

المهيع: ياللة ترفتي عندي شغل بعدين اخابرچ ..