منقذي من الهلاك

هلاك 14

ولست اظن الطرقات تعرفني .. حتى الصوت

الذي كان يتردد داخل راسي محاولاً تذكيري

بخيباتي شعر بالتعب ولشدة ياسة ..

غادرني واختفى .

~~~~~~~~~~~~~~~~~~~~

..«حِبيني ماضل وكت هذا الوطن بي حَرب»..

.. المهيع ..

~~~~~~~~~~~~~~~~~~
_____________________________

ترف: ا-احمد شبيك شبي علي ردد شبي عللييي ليششش متحچيي

باوعلي بصدمة وگال ..

احمد : ع-علي سوى حادث ..

ضليت اباوع بوجها مامستوعبة الگالة .. احس رجلية بعد مايشيلني وگعت بالگاع ودموعي صارت تنزل ...واهمس ..

ترف: علي خوية لا مو انوب انتة ماتحمل بعد صدمة ثانية ما اتحمل ..

اجت امي ولزمتني من ايدي وتحچي وياي وتبچي..

أن ترف: گوميي ولچ يمة گومي راح يروح اخووووچ من ايدنة راح يروح علللي ..

هزيت راسي ومسحت دموعي وگتلها ..

ترف: لااا لااا علي ما يسويها اي ميسويها ما يعوفني ..

رحت بسرعة لبست عباية من امي وطلعنة كلنة ورحنة للمستشفى ... وصلنة نزلنة ودخلنة لگينة الدكتور ...

احمد: دكتور اخوي اشلونة شلون وضعة ..

الدكتور: راح ندخلة عملية لأن وضعة حرچ والحادث جذاً مئذي دماغة ادعولة ..

عافنة وراح گعدت وصافنة على حالنة وين چنة وين صرنة .. الى متى هيچ راح أضل ماكو يوم بي راحة كلة صدمة اقوى من صدمة احس روحي كبرت فوگ عمري عمرين وماعدي بعد اي طاقة تحمل ...

فتحت القران وگعدت اقرة ودموعي تنزل ومتانين العملية تخلص وعلى أمل علي يطلع بسلامة واني اقرة اجة احمد باس راسي وهمس ..

أحمد: علي سبع وراح يطلع منها لاتخافين بنيتي ..

شهگت وشبگتة وصرت ابچي بحضنة ..

أحمد: اشش ماكو شي أن شاللة وهسة شوفين يرجعنة مثل الأول واحسن

هزيت راسي ومسحت دموعي .. طلع الدكتور وتقربنة منة ...

ابو ترف: بشر دكتور شلونة ابني ..

ابتسم ورد ..

الدكتور: الحمدلله نجحت العملية بس بعدة لازم يبقى بالعناية وهم عدة شو كسور ما علية غير العافية من رخصتكم ..

باوعت لا احمد وشبگتة واني ابچي .. ضحك وگال..

أحمد: موو گتلچ سبع يطلع منها ..

فجاءة اجانة صوت امير يشاقة ..

امير: عمي شبيكم گلبتوها مناحة هذا عار مابي شي ..