منقذي من الهلاك

هلاك 17

واهيم شوقاً أن مررت بخاطري

فتسيل من فرط الهيام مدامعي

ويزيد مني انين قلبي ونبضة

وتشتاق للصوت الجميل مسامعي ..

~~~~~~~~~~~~~~~~~~~~~~~~~

..«شضيعتك أحسك سالفة بدمي »..

..المهيع ..

~~~~~~~~~~~~~~~~~~~~~~
_____________________________

ضليت متأنية على أمل راح الگة مهيع لحد ما رجع الرجال ورا شخص .. وگف گبالي وگال...

الرجال: هذا الضابط كيان ..

كيان: تفضلي اختي محتاجة شي

غمضت عيوني وأخذت نفس وزفرتة وهزيت راسي وگتلة بصوت مهزوز ...

ترف: لاا شكراً عبالي غير شخص اسف عطلتكم وياي ...

خليت وطلعنة گعدت على الرصيف وغطيت وجهي وصرت ابچي.. گعدت يمي اسيل وگالت بقهر ..

اسيل: ترف اهدي يروحي لاتبچين ..

نزلت عيوني بالگاع وگتلها واني ابچي واشهگ ..

ترف: تعبت اسيل آلى متى هيچ أضل كل مرة يصير عندي امل واتختيل راح اشوفة كلشي يتغير تعبت ما جاي اتعود على فراگة صعب والله صعب اتعود من عافني وراح خلة فراغ بداخلي عودني علية وعلى شوفتة وعلى صوتة عودني على كلشي بي ليش عافني ليش ....

مسحت دموعي وگالتلي ..

اسيل: ترف ا-اتحبي ..

ضليت اباوع بوجها ما اعرف شنو اگول .. فترة ورجعت نزلت دموعي وهزيت راسي وهمست ..

ترف: ا-اي أحبة گلبي حبة وماتعود على فراگة اني اعترف اني أحبة وگلبي آلة وماراح انساة طول عمري وراح يبقة عندي امل حتى لو قليل انو يوم من الايام نلتقي ورح ترجع عيوني تشبع من شوفتة و-وحتة راح ارجع اسمع منة كلمة خرزايتي شگد چنت ما احبها بس هسة فقدتها وياا صرت اشتاقلها مثل ما اشتاقلة بس أن شالله هو بخير وعايش ويجي يوم راح اشوفة وما اصدگ مات ...

گمنة وغسلت وجهي ورجعنة للكلية .. اسيل اتصلت على علي فترة واجانة صعدنة..

علي: هلة ببنياتي شلونة الدوام ..

گالت اسيل ..

اسيل: لا الحمدلله زين ..

خليت اني ودرت وجهي على الجامة .. همس علي..

علي: شبيچ ترفة شو احسچ ضايجة ..

رديت علية بهمس بدون ما ادير وجهي ..

ترف: لا مابية شي بس تعبانة من الدوام ..

ما حچة شي .. وصلنة للبيت دخلت لگيت اهلي محضرين الاكل .. دخلت سلمت ..