ويبقى داخل الروح شيء
لا يترجمة جبر ولا يستوعبة ورق
بعض الشعور لا بوح يكفية ولا حرف يحكية
خلق ليسكن داخلنا دون أن نخبر بة أحد
شعور لايحكى ولا يوصف هو
...بالقلب فقط...
~~~~~~~~~~~~~~~~~~~~~
______________________________
....الكلام منقول من لسان علي ....
علي: اباوع لأختي غابت عن الوعي وجها صار ازرگ وخشمها نزف وصارت ماتگدر تتنفس .. گبل شلتها وصرت اصيح ...
علي: اميييرررر السويچ بساااع راح تروح ترف وك فضني
امي وگعت بالگاع وصار تبجي وتلطم
ام ترف: راحت راحت ترف راحت بنتتتتي
اخذتها ونيمتها بالسيارة وسقت بسرعة لأقرب مستشفى .. دخلت للمستشفى واني شايلها والهث ماريد اخسرها اني ربيتها عمريي كلة ماعتبرتها اختي اعتبرتها بنيتي ... أخذوها مني وضليت برة اجو اهلي وراي وامي گاعدة وتبچي ...
فترة وطلع الدكتور ...
ام ترف: ب-بشر دكتور ش-شبيها بنتي ليش هيچ صار وياها
الدكتور: بتكم مارة بحالة صدمة وصاير عدها انهيار عصبي وفقر دم حاد لازم اديربالكم عليها وكتبتلها أدوية وفيتامينات وان شاء الله ماعادها غير العافية
علي: شكراً الك دكتور
ترف: فتحت اعيوني واحس اشتم ريحة ديتول باوعت بغرفة بالمستشفى نزلت دموعي ... يعني اني عايشة ما متت ليش اني ماريد اعيش تعبت حيل تعبت ماعندي طاقة اتحمل اكثر ...
انفتح الباب باوعت دخلو اهلي اتقربت امي باستني من راسي ...
ام ترف: حبيبتي شنو حاسة خو ماكو شي يوجعچ
علي: الحمدلله على السلامه حبيبتي ترفة خوفتينا عليچ ..
فتحت حلگي ورديت بهمس ...
ترف: اسفة مو بيدي
ابتسم وگال..
علي: ماصار شي يروحي بس اريدچ ترجعينة ترف القديمة ما نريد انشوفچ بهذا الضعف ..
هويت راسي وگتلة ..
ترف: يمتة اطلع ماريد أضل لعبت نفسي ..
علي: هسة اسوي خروجية ونطلع
طلع علي سوة الخروجية وطلعنة للبيت ... وصلنة كلها تحمدتلي على السلامة .. ودخلت الغرفتي سبحت لأن بية ريحة مال مستشفى وطلعت نمت على الجرباية طلعت الگلادة من ملابسي ولزمتها بيدي ونمت ........
أنت تقرأ
منقذي من الهلاك
Akčníفتاه تذهب اسيرة لداعش وتفقد أهلها وستكون أيامها من اصعب ايام حياتها ياترى ستنقذ من هذا الهلاك وترجع لحياتها ... "بالهجة العراقية " الكاتبة : روح "
