SARFRAZ

71&72

*🎀🎀 SARFRAZ 🎀🎀*

*71*

*Na Hafsat Aliyu Shu'aibu Chikaji*

   Ummul Kulsum Muhammad ko ince *Nuwairah* ko kuma *chu-chu* duk Wanda dai kika zaɓa Acikin sunayen yayi, Wannan shafin nakine *100%*  amma idan zaki dara ayi kaɗan kada ayi ciwon ciki.

     Sosai idon Nawaz yayo waje domin maganganun su sun ratsa ta, "Yanzu fa muke magana! To me nayi da zafi da har zasuce min Yar jahannama? Ko dai wani Abu mara kyau suka gani a cikin Ɗakin?"

   Kama hannun Fatima tayi "don Allah sis ki faɗa min me nayi? Ko wani abu kuka gani?"

   "Lallai Madinah! Ashe bakida imani kuma baki tsoron Allah, gaskiya da Nasan haka kike ko da wasa bazan taɓa zuwa kusa dake ba balle har mu ƙulla ƙawance ba, irin kune kuke jawa waɗanda basuji ba basu gani ba wahala, fushin da Allah yake yi daku ya shafi sauran bayin Allah" Cewar maman sudeis tana ƙoƙarin maida sudeis ta goya.

   Riƙe sudeis ɗin Nawaz tayi da ƙarfi tare da cewa "Don Allah Don darajar ma'aiki ku taimaka ku faɗa min Abinda nayi Kafin ku tafi, Wallahi zan gyara har dai wanda za'a iya  gyarawa ne.

    Fatima ce tace "kinyi Alkawari?"

   "Wallahi nayi! Amma Don Allah ku koma ku zauna"

   "Kaini bedroom ɗin da kuke kwana" Abinda maman sudeis tace kenan ta maida bakinta ta tsuke

    Jikin Nawaz har rawa yake yi tsabar sauri tayi hanyar bedroom ɗinsu tare da cewa "kuzo muje"

  Suna shiga babu a inda Maman sudeis ta tsaya sai gaban drawer, buɗe drowoyin tafara yi tana duba cikinsu Alamun tana neman wani abu.

    Wasu robobine kusan guda Biyar iri ɗaya ta cirosu a cikin drawer karshe, kallon jikinsu tayi sosai tana Nazarin rubutun dake jiki.

    "Uuhhmmm aini na sani, dole ba haka kawai ba! Wallahi Nawaz Kiyi saurin tuba zuwa ga Allah inba haka ba kuwa kinshiga Uku, ke wallahi idan kika mutu a yanzu ma hmmmm.

  Ita dai Nawaz dama a tsure take, ganin kuma maman sudeis ta ciro robobin nan tana wasu maganganu saita ƙara tsurewa.
 
    Ita dai tasan wadannan robobin na magungunan Aayaan ne da yake sha kullum, bazata manta sanda ta rakashi ya taɓa siyowaba lokacin da yazo gidan inna ya sameta sanda ta gudu Zariya, kullum yanashan  biyu da safe biyu da yammah   amma dai ita batasan maganin me yake yiba.

    "Kinga waɗannan robobin? Kuma kinsan wane magani ne acikinsu?"

   Girgiza kai Nawaz tayi Alamun bata saniba.

  "To ƙwayoyin kashe sha'awa ne! Mijinki yana sonki kuma yana ƙaunarki, babu Abinda ya rage ki dashi amma ki rasa dame zaki biyashi sai da Wannan Madinah?, Kinsan kuwa irin halin dayake shiga na Rashin samun haɗin kanki? Ni nasan dolece tasa ya nemi maganinnan bawai don son raibane"

   Fatima ce itama taci gaba da Magana "gaskiya Madinah kin bani mamaki, Ashe wayonki na Banza ne, kinata mutuntamu Ashe mijinki da baƙin cikinki yake kwana yake tashi, kekam da kinsan irin zunuban dake kanki nasan ke kanki ƙyamar kanki zaki riƙa yi, amma it's not late, zaki iya tuba kuma ki gyara.

     Duk jikin Nawaz yayi sanyi ƙalau, damuwa ta rufeta, tabbas tasan Aayaan yana tausayinta sosai shiyasa ya kyaleta har  zuwa yanzu beyi mata komai ba' amma ita batasan yana chutuwa haka da yawa ba da har zai Nemi ya halakar da kanshi saboda ita ba"

   "Don Allah Maman sudeis da Fatima kuyi haƙuri, Wallahi zan gyara kuma In'sha Allah harshi saina nemi daya yafemin, amma Idan kukace babu ku babu ni ya kukeso nayi a ƙasar nan? Don Allah kuyi haƙuri"