SARFRAZ

83

*🎀🎀 SARFRAZ 🎀🎀*

*83*

*Na Hafsat Aliyu Shu'aibu Chikaji*

    Tsaff mummy na ankare da kallon da colonel yakeyi mata, tasan jimawa da sukayi basu haɗu bane shiyasa daya ganta yanzu ya kasa kauda kanshi a kanta.

    "Ai ko mutuwa zakayi saidai kayi, babu yadda za'ayi in aureka bayan Ni ƙawar matar kace, aima cin amana kenan!" Cewar mummy cikin zuciyarta tare da jin takura da kallon da colonel ɗin keyi mata

     Duƙawa Aayaan yayi ya ɗauki Nawaz da ledar kayan ciye-ciyen ta, "Son ai daka barta anan ɗin tunda barci takeyi"

    Sarai Aayaan yasan ba barci takeyi ba, yasan kunya ce tasa ta kasa buɗe idonta, "No Mummy bari kawai na kaita ɗaki saboda nan kinga akwai hayaniya da yawa"

   "Okay to cikin yana nan kuwa?" Cewar mummy tana kallon move ɗin Aayaan ɗin, yadda taga ya kaɗa kai ya juya a raunane yasa ta gane cewa babu cikin tunda tafi kowa sanin halin ɗan nata.
     Zuciyarta kamar zata fashe, taso ace an haifi cikin, to Amma tunda Allah yasa shi Aayaan ɗin be mutu ba ai hakan ma ya wadatar, tasan cikin ɗan ƙanƙanin lokaci za'a kuma samun wani cikin duba da yadda suke kwakwumewa juna.

    *Aayaan....*
   Yana shiga ɗakin ya ɗora ta a saman gado "Sweetheart tashi kici Abincin" zaune Nawaz ta tashi tana murmushi

   "Yaya wai meyasa kowa sonka yakeyi? Farin jininka yayi yawa Gaskiya, amma kuma a hakan ne ka zauna har zuwa yanzu bakayi Aure ba?"

    Rungumeta a cikin ƙirjinshi yayi Sannan yace "eh mana! Dole naƙi yin Aure tunda ina jiran my Sweetheart"

    Daɗi sosai taji maganar tayi Mata, ita ba mace bace mai son a riƙa yaba mata ba, amma kuma duk sanda Aayaan zai yabeta saita ji ta kamar ta tashi sama tayi shawagi tsabar murna.

    "My soulmate I so much love you, wallahi har yanzu zuciya bata dawo dai dai ba, na rigada na shiga damuwar da ban taɓa shigan taba."

    "Nafiki sonki, shiyasa Allah yasa na dawo, amma kuma mun rasa little Aayaan"

    "Hmmm Allah ne kawai ya dubeni da idon rahama yasa baka mutu ba, amma da Yanzu nabi titi"

    "Dear ki dena wannan maganar, in'sha Allah muna tare har abada, yanzu dai ƙoƙarta ki samu kici Abincin kada yunwa ta illata min ke"

     Murmushi Nawaz tayi tare da miƙewa tana yin hanyar bayi don ta wanke baki, bata Ankara ba tajita a sama cikin iska "dear ina kusa amma sai kiyi ta wahalar da kanki" Aayaan yace yana direta a gaban sink, toothpaste yasa mata a brush sannan yace "open Your mouth" A hankali Nawaz ta buɗe bakin saboda taso ne ace ya barta tayi da kanta.

    Sosai jerarrun fararen haƙoranta suka birgeshi, tsaff dasu gwanin sha'awa, sosai siriyar hushiryar dake tsakanin haƙoran ta ƙara ƙawata su.

    Tsaff ya wanke mata bakin ya ɗauraye, kuma daukota yayi ya dire a tsakiyar gado Sannan ya buɗe mata madarar ya miƙa mata "fara shan wannan saboda hanjinki ya warware, amsa tayi tasa a bakinta, saida tasha kusan rabi Sannan ta fara cin naman kazar..

   Bata wani ci da yawa ba tace ya isheta, "to yanzu babu ke babu yin Barci sai anjima tunda kinga bakici abinci da wuri ba, bazai yiwu ki kwanta ba saiya faɗa Miki"

    "Wallahi yaya barci nakeji sosai " cewar Nawaz tana kwanciya a saman cinyarshi

    "Oya tashi ki zauna! Ko kinaso kiyi ƙaton ciki ne? Ɗagota yayi ya zaunar da ita.

    Laptop 💻 ɗinshi dake gefen side drawer ya janyo, buɗe ta yayi ya kunna yana ɗan danne danne, be lura ba ashe har Nawaz tayi barci a zaune,

    Murmushi yayi ya gyara mata kwanciya, shafar fuskarta yayi yace "sleeping beauty kawai!!"
     Tsayawa yayi da danne-dannen system ɗin, tunawa yayi da  CCTV carema a cikin babban falour, sosai yaji yanaso yaga abinda ya faru sanda akace ya mutu.