SARFRAZ

63&64

*🎀🎀 SARFRAZ 🎀🎀*

*63*

*Na Hafsat Aliyu Shu'aibu Chikaji*

   
    Aayaann nayin parking bata jira komai ba ta fita waje tayi cikin gidan.
   Daidai zata buɗe ƙofar faloun shima SARFRAZ ya buɗe har saida suka bangaji juna, cikin sauri tace "Sarfraz wai bakada lafiya?"

   Rimi rimi Sarfraz yayi da ido yace "No Aunty bani bane banida lafiya Ikraam ce"

     Tana tsaye ya fice zuwa harabar gidan inda ita kuma tasa kai cikin faloun, "hassu! hassu!! Hassu!!! Nawaz keta ƙwalawa hassu kira amma shiru.
   Cikin bedroom ɗin ta nufa domin tafi zaton tana nan, sam bata kawo komai ba a ranta na cewa ko wani abune ya faru tsakaninta da sarfraz ba.

    Koda ta tura ƙofar dunɗum haka taga ɗakin sai dai akwai ɗan alamun haske "hassu kina ciki?" Nawaz ta faɗa tana karasawa kusa da window don buɗewa, shiru dai ba'a bata amsaba.
    Zuge labulayen tayi zuwa gefe, take haske ya Bayyana a kowane lungu da saƙo na dakin, waigowa Nawaz tayi don ganin ko hassun barci takeyi har yanzu.

   Aikuwa saida idonta ya kusa faɗowa ƙasa saboda Yadda ta zarosu waje, kirjintane yahau dukan uku uku tana jinta kamar ta ruga a guje sakamakon abinda idonta ya gane mata, babu irin abinda zuciyarta bata raya mataba..

   Cikin sanɗa ta ƙarasa bakin gadon tare da taɓa bargon da hassu take ɗuƙunƙune aciki, wani hucin zafi taji hannunta yayi alamun hassu ɗin tana fama da matsanancin zazzaɓi.
    Ƙarfin hali tayi ta janye bargon, aikuwa babu shiri ta maidashi  sakamakon ganin hassun babu koda ɗan kampai, kar kar kar jikinta ya fara rawa ga kirjinta dayake dukan uku uku, tama rasa me zatayi tsabar tsoron yanda taga hassu ɗin, babu abinda yafi tada mata hankalima kamar uban stain ɗin jinin data gani duka gadon.

   Lahaula wala quwwata illah billah ta fara maimaitawa a zuciyarta tana yiwa Allah tasbihi, a hankali a hankali ta fara jin nutsuwa tana saukar mata a zuciya Sannan fargabar taɗan ragun mata.

    Wardrobe ta buɗe ta dauko fallan zani sannan ta ƙarasa bakin gadon tare da zame bargon, zanin ta ɗora mata a jikinta sannan a hankali ta ɗago kanta "sannu hassu, Don Allah kiyi hakuri kinji"
   Hawayene taga yana zarya a idon hassu ɗin, daga wannan sai wannan, sosai hassu ɗin ta bata tausayi Domin tasan itama tsoro takeji balle wannan Yar mitsitsiyar yarinyar.
     Pillow ta janyo tare da ɗora kan hassu akai sannan ta tattara bargon ta saukeshi gefe, zanin gadon ta yaye gefen da babu hassu ɗin Sannan kuma ta maida hassu ɗaya gefen, daukeshi tayi duka ta haɗa da bargon ta shiga bayi ta zuba a washing machine ta zuba liquid soap sannan ta kunna.
    Ɗakin ta dawo ta samu hassu sai sharɓar hawaye takeyi, gefenta ta zauna tare da janyota jikinta "hassu nasan kin cutu amma don Allah kiyi hakuri, kuma dama auren kenan ai, sai hakuri yau da gobe zaki saba balle Allah ya hadaki da miji mabuƙaci.

    Cikin dashashshiyar murya hassu tace "Aunty Nawaz wallahi SARFRAZ bashida imani ko kaɗan, bakiga irin azabtarwar dayayi mini ba, babu irin ihun neman agajin da banyi ba amma ko'a jikinshi"

   "Yi shiru! Dena faɗa, kiyi hakuri, kuma zanyi mishi magana sosai, hakan dayayi sam be daceba, amma yaci darajar cewa shi mijin kine kinji?"
    Hassu na sharɓar kuka tace "tab wallahi badaniba, ai wallahi sai dai ya nemi wadda zai cigaba da ganawa azabar amma wallahi Ni gidanmu zani Don NAGAMA AUREN"

   Daurewa Nawaz kawai takeyi amma ita kanta kamar ta ruga da gudu takeji, "yanzu zaki iya tashi? Inaso kiyi wanka ki samu ki gasa jikinki saikici abinci kisha magani.

     "Aunty Wallahi ko motsa jikina nayi kamar zan mutu nakeji saboda azaba"

   "To bari nazo" cewar Nawaz tare ta miƙewa ta shiga bayi, ruwan zafi ta haɗa ɗan dai-dai yanda tasan bazai cutar da hassu ɗinba Sannan ta koma gurin hassun ciccibarta tayi suka shiga bayin sannan a hankali ta sakata a cikin ruwan zafin tare da cewa "pls nasan Akwai zafi Amma don Allah ki daure"