SARFRAZ

82

*🎀🎀 SARFRAZ 🎀🎀*

*82*

*Na Hafsat Aliyu Shu'aibu Chikaji*

  Cikin sauri sauri ya gama shirya Nawaz ɗin, ɗaukarta yayi ya tawo falour "yaya ka saukeni kaga ba lafiya ce dakai ba" cewar Nawaz Saboda sosai take tausaya mishi idan ta tuna har likkafani ansa mishi.

    "Komai zan iya yi akanki, kuma daga yau kada ki kuma yi min magana Idan na ɗaukeki Saboda Ni sam bana jin nauyin ki"

    Gum Nawaz tayi da bakinta saboda yanzu sam bataso tayi mishi Abinda zaiji babu daɗi.

    Kallon duka Mutanen dake zaune a Babban falourn yayi yace "zamuje asibiti zanyi mata hoto inga cikin yana nan ko ya zube"

    Kowa kallon wannan ƙarfin halin yakeyi, mutumin da Yan awannin baya yake kwance be iya motsa koda yatsanshi ne yanzu yake tsaye dauke da mutum, lallai Allah shine mai iko akan komai da kowa,

     Mummy ce tace "haba Aayaan! Dukanku fa ba lafiya ce daku ba, don Allah kabar yarinyarnan ta huta gobe sai kuje"

    Ganin Idan ya tsaya sanya mummy zata hanashi sai kawai yace "mummy Don Allah Don darajar Annabi Muhammad Sallallahu alaihi Wasallam kibarmu muje"

    Baffa ne yace"kibarshi yaje amma ɗan uwanshi Sarfraz ya kaisu a mota"

    Ummin Nawaz kam kunya ta isheta, wannan abu nasu Nawaz yana bata mamaki, wai har yaushe suka shaƙu da juna haka?

    Yankewa tayi gobe in'sha Allah zata tafi gida tunda dai Allah yasa be mutu ba, da ace ya mutu ne to dole ko kwana bakwai tayi zuwa a share makoki.

     Fita SARFRAZ yayi da sauri don yayi warming ɗin motar kafin Aayaan ya ƙaraso, dayake dole sai anbi ta usulin main falour za'a fita daga gidan yasa mutane suka riƙa tsaida Aayaan, jaje kowa keyi mishi inda wasu kuma suke tambayar meya faru da Nawaz ɗin..

    Sarfraz ne ya koma cikin gidan Don ganin me ya tsayar da Aayaan ɗin ya hanashi fitowa har zuwa lokacin, a main falour sukayi kicibis da Aayaan ɗin wanda ke tsaye rungume da Nawaz a hannunshi.

   Ran Sarfraz a bace ya hau cewa "Don Allah ku bari mu dawo saiku yi mishi duka tambayoyin da kukeso kuyi mai, yanzu sauri mukeyi zamu kai mara lafiya asibiti kuma dare yayi"
     "Muje yaya" cewar sarfraz yana dafa kafaɗar Aayaan ɗin

  Koda suka shiga motar Aayaan be sauke Nawaz ba illa gyara mata zama da yayi a Saman cinyarshi, "wai yaya meyasa kacika sanyi ne? Kasan abinda ya fito damu amma ka tsaya biyewa mata suna Daɗa ɓata maka lokaci.

    "Bro banason Mutum yaga kamar na wulakanta shi ne, sam banjin daɗi naga wani ya shiga cikin damuwa komi kankantarta balle kuma ace nine sila.

    Haka dai suka isa cikin harabar Asibitin, Parking Sarfraz yayi sannan ya fito ya buɗewa Aayaan ƙofar motar, yana kallo Aayaan ya shiga cikin hanyar da zata sada ka da ko wane ward kakeson zuwa, tsalle yayi ya zauna a saman motar yana kalon cikin Asibitin.

    Da kalle kallen ya ishe shi sai ya ciro wayarshi ya bude wajen video, mutanene maƙil tsaye a ƙofar gidansu Aayaan, wasu ma kuka sukeyi wasu kuma idonsu yayi jajir alamun sunma gaji da kukan, "wai me yaya Aayaann yake yiwa Allah ne da ya zama mai wannan uban farin jinin? Mtsewwwss! Kodai kulawar da taimakon da yakeyiwa al'ummar Annabi ne? Girgiza kai yayi sannan yace "tabbas hakane, domin daba don shiba da yanzu Allah ne kadai yasan yadda rayuwata zata kasance, ko na haukace ko kuma ina cikin dajin su hassu inata shirme, murmushi ne ya kufce mishi daya tuna da hassu, sam ya manta da babinta tunda suka iso garin, sai yanzu da zance yazo kanta.

    Aayaan yana shiga be tsaya a ko'ina ba sai a ultrasound Room, a mutunce cikin girmama wa docton dake ciki ya gaida Aayaan Sannan ya tashi daga seat ɗin dayake zaune, saida ya kwantar da Nawaz  a saman gadon scanning ɗin Sannan ya zauna a seat ɗin tare da cewa likitan wanda ke tsaye yana jiran umarni "you can go" juyawa yayi ya fita daga ɗakin.