#ليس_ذنبي
بقلم #احمد
البارت_5
هبة .. اني سألت عمتي (هدى) كالت الولد متخرج وينتظر التعيين ومو كاعد يشتغل وابوه كال اني اتكفل بيهم لحد ما يتوظف
گمر .. يعني شنو هسا
هبة .. يعني وافقي وتوكلي على الله
گمر .. ماعرف وثاني شي لا اعرفو ولا اعرف شي عنو
هبة .. ترا اني من تزوجت رائد ماجنت اعرف عنو اي شي والحمدلله كلش مرتاحة وياه
گمر .. الله كريم
هبة .. المهم حبيبتي اني بالنسبة الي اكلج اذا تأكدو منو عمي واخوانج انو زين فوافقي والله يوفقج وياه ويسعدكم
گمر .. إن شاء الله هسا استأذن اروح اكمل العشى
هبة .. اذنج وياج حبيبتي
گمر .. طلعت منها وافكر بكلامها وبصراحة كلامها منطقي بس خايفة ماعرف ليش وماعرف بس اني احس بهذا الاحساس ولا كل البنات من ينخطبن هيج
رجعت كملت العشى وتعشيت وورا صلاة العشاء راحو بابا وماما لغرفتهم واجت ماما كالتلي ابوج ويصيحج ورحت وياها كلتلو بابا طلبتني
جاسم .. اكعدي بنيتي
گمر .. نعم بابا
جاسم .. امج حجتلج عن الجماعة الي اجو قبل كم يوم
گمر .. اي بابا حجتلي
جاسم .. الولد سألنا عليه وعلى اهلو كل الناس تمدح بيه وباخلاقو
گمر .. اي
جاسم .. فانتي شنو رايج
گمر .. ماعرف بابا انت ادرى
جاسم .. لا بابا اني ما اعلم بالغيب وكل مرة ورجال ممكن يصير بينهم اختلاف بحياتهم ما اريد اذا لا قدر الله واختلفتو يوكع اللوم علي
گمر .. ولانك ما تعلم بالغيب فمستحيل الومك اني رايي من رايك
جاسم .. يعني نتوكل على الله
گمر .. ونعم الاتكال الي تشوفو لمصلحتي سويه
جاسم .. الله يبارك بيج
گمر .. اكدر اروح هسا
جاسم .. اي بابا تكدرين
گمر .. تمام
طلعت من الغرفة احس اختنكت كوة كملت كلامي وياه وكلت اتوكل على الله مثل ما كالت هبة واكيد ربي يعرف اذا الي خير بهاي الزواجة لو لا
دائما الاشخاص يعترضون عن الاشياء الي تصير وياهم وينسون انو ربي يا اما يجيبلهم الخير لان يستاهلوه او يجيبلهم البلاء علمود يختبرهم
واكيد اذا صبرو عالبلاء وتوكلو على الله فالله راح يحبهم كلش وراح ينطيهم اجر ويعوضهم اكثر من البلاء الي اجاهم يعني كلشي من الله بيه خير
أنت تقرأ
ليس ذنبي
Romanceاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
