ليس ذنبي

البارت (20)

#ليس_ذنبي
بقلم #احمد
البارت_20

گمر .. رجعت كملت الغدا اجى منير من صلاة الجمعة وجهو اصفر وملامحو كلهن مخربطات ومبين مصدوم ومن شفتو عرفت اكو مصيبة صايرة كلتلو شبيك منير

بقى يمتمت ومايعرف شيحجي اخير شي كلتلو ترا وكفت كلبي فدوة احجي شكو ويا كل كلمة حجاها احس كلبي يتفتت وينكسر الف كسر

دفعتو كل قوتي لدرجة جان راح يوكع وانصدم من ردة فعلي حاجيتو والدموع مثل الشلال تنزل من عيوني كلتلو جذااااب انت جذاب اي انت جذاب ما اصدكك

صار يحجي وياي ويريدني اهدى واني حركة كلبي مدا تخليني اكدر اهدى اخير شي كلتلو اخذني لاهلي كال تمام تمام بس اهدي وربي هسا اخذج

جان منير بالصلاة فمن طلع شايفو واحد وكايلو شو هنا ما توقعتك موجود كالو منير لعد وين اروح وانتبه الرجال ان منير ما يعرف الي صاير

وبعد الحاح من منير الرجال كايلو عمتك وعمك اليوم جانو جايين عالسوك وبالطريق صاير وياهم حادث وثنينهم متوفين وعديلك اخذ مرتو قبل الصلاة بشوية وراح

جنت متخبلة ومو مصدكة بابا وماما يموتون ويعوفوني وفوكاها ثنينهم بيوم واحد رحت بسرعة سحبت عبايتي وتركت كلشي واخذت جهالي وطلعنا

ركبنا بالسيارة واني اكول بكلبي لا مستحيل بابا وماما مو ميتين هسا نروح ونلكيهم ينتظرونا بسيطة يا منير اذا ما اكول لبابا تكول عليهم ميتين وهم مابيهم شي

جان انتظار الطريق يخلص قاتل بشكل لا يوصف ما وصلنا الا اني ميتة موت اول ما صرنا مقابيل بيت اهلي شفت سيارات موجودة والناس متجمعين

يا دوب لحك يوكف منير ونزلت من السيارة وعفت حتى جهالي ورحت اركض ادور ماما او بابا علمود احرشهم على منير واكللهم ما يخلوه يحجي عليهم بعد

اول شخص صار بوجهي هو رائد جان كاعد على وحدة من القريولات ودموعو يصبن من شافني زادن دموعو وفتحلي حضنو وركضت وزتيت نفسي بحضني

كلتلو ليش تبجي بابا وماما ما ماتو اني اعرفهم يحبوني وما يعوفوني ثنينهم لا تبجي عليهم وهم ما بيهم شي صار يمسح على راسي وهو ساكت

بعدها حسيت راسي ثكيل وبدت قوتي تتلاشى وماعرف شصار بعدها كعدت لكيت نفسي بغرفة رائد والدنيا قريبة من العصر كمت مفزوعة

باوعت من باب الغرفة جانت اكو سيارة اسعاف بالحوش ورائد دا يحجي وياهم وركبو بالسيارة وراحو وطلعت ركض حتى حذاء ما لبست ورحت ركض لغرفة بابا وماما

جانن النسوان متجمعات وجانو جايبين بابا وماما من المستشفى علمود نودعهم وندفنهم

ركضت على اول تابوت اريد افتحو وتجمعن علي النسوان علمود يمنعني وسحبت ايدي منهن كل قوتي وفتحتو جانت ماما نايمة بيه ووجهها ذبلان