#ليس_ذنبي
بقلم #احمد
البارت_19 الجزء الثاني
هيا .. اهلك متخبلين مثلي اني وملاك شنو الي صاير وياك ومخليك بهاي الحالة احجيلي علمود اكدر اساعدك لا تبقى ضام بكلبك وتأذي نفسك
اوس .. بحسرة .. لحالج كاعدة
هيا .. باوعت علي بابتسامة .. اي لحالي
اوس .. الموضوع وما بيه .........
هيا .. اي شنو الموضوع .. الو .. اوس ترا ماكو صوت تسمعني
... اوووووووس ... طوط .. طوط .. طوط
ملاك .. باوعنا على بعض بخوف كلتلها ارجعي اتصلي عليه رجعت اتصلت مغلق كلتلها منو الي صاح باسمو وليش مبين الخوف بنبرة صوتو كالت ماعرف
بقت تحاول تتصل ويطلع مغلق كلتلها اتصلي عالشيخ عيدان او الشيخة نهلة كالت لا ما يحتاج نشغل بالهم خلي ننتظر شوية يجوز طفى تيلفونو شحن
بقينا ننتظر واحس كل ثانية تمر كأنها سنة واحنا ننتظر كلتلها مو معقولة ماكو شي ارجعي اتصلي عليه ورجعت اتصلت هم مغلق
كلتلها اتصلي عالشيخ عيدان بحجة انو نريد نروح للسوك بعد يومين واذا اكو شي راح يبين بنبرة صوتو او هو يحجيلج كالت خوش
اتصلت عليه ما يرد ورجعت اتصلت مرة ثانية مشغول ومن صدك عشنا على اعصابنا وبقت تتصل عليه الى ان جاوب ومبين صوتو مو طبيعي
عيدان .. هلا ام علاء
هيا .. هلا بيك شبيه صوتك
عيدان .. ماكو شي
هيا .. احجي شبيه صوتك
عيدان .. بخنكة .. اوس
هيا .. بخوف .. شبيه اوس
عيدان .. تعرض لعملية اغتيال
ملاك .. ام علاء صرخت من الصدمة اني احس انعزلت عن العالم من سمعتو رغم ما احمل اي مشاعرة خاصة تجاهو بس مو معناها اكدر اتقبل الخبر
كمت من يمها وبكلبي اكول معقولة الي نقذني من الموت تعرض للموت ليش انقتل ومنو قتلو باوعت على ام علاء ودموعي تجري كلتلها نقذني وما نقذتو
كالت بسرعة البسي ملابسج راح يجي قيس ياخذنا للمستشفى نروح نبقى يمو لحد ما يطلع من العملية كلتلها باستغراب وفرح يعني ما مات
كالت بسم الله لا يمة ما مات وإن شاء الله ما يموت يلا بسرعة جهزي نفسج رحت ركض للغرفة لبست ملابسي واني ادعي لربي ما يصيرلو شي
بخلال ثواني كملت وطلعت لكيت ام علاء هم مكملة وطلعنا وقفلنا البيت وبقينا ننتظر على نار من شفنا سيارة قيس اجت طلعنا ركض عند باب الحوش
اول ما وصل ركبنا فورا وياه وانطلق بسرعة جنونية جانت تسألو ام علاء وهو يكول والله مادري كل الي نعرفو انو تعرض لعملية اغتيال وهو حاليا بالمستفشى
أنت تقرأ
ليس ذنبي
Lãng mạnاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
