#ليس_ذنبي
بقلم #احمد
البارت_12
گمر .. توضيت وصليت العصر وشفتها كاعدة كعدت منير علمود يصلي واخذتها هي وكتابها ونزلنا تحت
كعدت بالصالة وجنى راحت تركض على امها كالت ماما ماما علمت سامي عالقراية وصار يعرف يقرا مو مثل منى العوبة ماتعرف كلشي
رنيم .. منو سامي
جنى .. ابن عمة گمر
رنيم .. اذا امو مابيها خير بالدراسة ولحد الان ما تعرف تقرا تريديه هو يصير بيه خير
گمر .. جنت اسمعها وطنشتها مالي خلك اتعارك
جنى .. شنو ماما
رنيم .. بعدين منو معلمج على كلمة عوبة اكيد انتي (واندارت علي)
گمر .. ههههههه اني شدخلني هو اول مرة تجيني
رنيم .. اي ولهذا اول مرة تكول كلمة عوبة
منير .. ريام لا تزتين بلاج علينا ترا مو ناقصينج
رنيم .. لعد لا تعلم بنتي على كلام مو زين
منير .. تعالي بابا جنى
جنى .. ها عمو .. وخايفة بسبب صوت امها
منير .. بابا منو علمج على كلمة عوبة
جنى .. ماما
منير .. وعلى منو كالت عوبة
جنى .. صارت تعد باصابيعها .. منى عوبة . علياء عوبة . گمر عوبة . جنى عوبة .. عمو صحيح اني عوبة
منير .. لا بابا مو عوبة
رنيم .. بعصبية .. تعالي هنا جنى
منير .. عوفي البنية مو تسمعيها كلامج وتلوميها لان تتعلم
رنيم .. معليك بيها بنتي واني حرة بيها
منير .. بعصبية .. ريااااااام احترمي نفسج لا تخليني اهينج وانتي اكبر مني ترا شايل بكلبي هواي عليج فسمعيني سكوتج قبل ما انفجر بيج مثل ما بنتج هي بنتنا هم
گمر .. من عاط بيها خنست هي وجنى لان تعرف اخوانو مستحيل ينطون بيه واذا زاد الموضوع عن حدو تطلع هي الخسرانة لذلك سكتت وما حجت
جنى من عاط عمها فزت وخافت بعدها سحبها لحضو وصار يحجي وياها علمود تنسى الخوفة وامو ولا كأنها موجودة كلمة وحدة ما حجت مجرد تباوعلهم
بعدها اجت منى جانت تلعب بالحديقة واجت كالت لعمها عمو تعال العب وياي اندار علي وضحك كال هو هذا الباقي يا عمي اجي العب وياج
منى .. بس شويونة هالكد
منير .. عندي الج اقتراح احسن
منى .. شنو هو
منير .. راح يجيني طفل واخليه يلعب وياج
منى .. بفرح .. كول والله عمو
أنت تقرأ
ليس ذنبي
Romansaاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
