#ليس_ذنبي
بقلم #احمد
البارت_14
گمر .. كعدت المغرب اخذتلي دوش وكعد سامي هم اخذتو بدلتلو ورضعتو دا الم الغرفة علمود انزل تحت واجى منير بس اجى وجهو صاير احمر من العصبية
منير .. بعصبية وصوت عالي .. گمر شلووووون يعني ما تخلص هالاسطوانة ما انهجم على عمري وارتاح
گمر .. هاي شبيك
منير .. شبيني يعني من الله ياخذني ويخلصني منكم ومن هالعيشة انعل ابو هيج حالة دمرتوني قسم بالله
گمر .. دفر باب الحمام كل قوتو ودخل يسبح واني بقيت واكفة مصدومة هاي شبيه قطع صفنتي صوت سامي جان يبجي بسبب صوت منير
اخذتو وسكتو ونزلت تحت شافتني علياء وجانت تريد تجي وصاحتها جدتها كالتلها ابقي بمكانج كالتلها جدة بس اخذ سامي كلتلها ابقي بمكانج كلتلج
اني ما اهتميت اخذت سامي وياي ورحت للمطبخ جهزت اكل لمنير رغم انو حجى وعاط بوجهي بس هذا مو سبب لانو اهملو وما اسويلو اكل وهو اجى تعبان وكاتلو الجوع
جهزت العشى وخليتو بالمطبخ بس كلش تبهدلت بسبب سامي لان خايفة يحترك وبقيت انتظر بالمطبخ هو من نزل من الدرج انتبه انو الاكل بالمطبخ
اجى بدون ما يحجي شي كعد اكل كم لكمة وكام رجع للصالة واني كملت اكلي وما اهتميت اذا اريد اهتم لكل كلمة تكولها امو راح ابقى جوعانة طول عمري
من شبعت اخذت سامي وديتو لابوه ورجعت غسلت المواعين ومن كملت رجعت اخذتو من ابوه واهلو لاحظو انو مدا نحجي اني ومنير
محمد .. گمر
گمر .. نعم عمو
محمد .. بابا بيكم شي انتي ومنير
گمر .. لا بابا ماكو
محمد .. منير شبيكم
منير .. ماكو يابة
محمد .. تحجون لو شلون
گمر .. عمو اذا اريد احجي فكلامي لا يعجبك ولا يعجب الموجودين
محمد .. يا ساتر احجي بابا احجي وإن شاء الله يعجبني
منير .. گمر
محمد .. منير شنو هالاحترام العندك تسكتها واني دا احجي وياها
منير .. العفو يابة مو قصدي بس ما اريد ازعجك
محمد .. لعد وين كلامك من تكول انت لازم دائما تحاول تحل مشاكل اخواني
منير .. يابة .......
محمد .. گمر احجي خلي نفهم شصاير
گمر .. عمو المشكلة من اساسها بسبب عمتي .. من كلت هيج كلهم صفنو علي
مديحة .. اني شنو سويت
محمد .. هدى خلي نسمع گمر وبعدين احجي كملي گمر ليش بسبب عمتي
أنت تقرأ
ليس ذنبي
Romanceاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
