#ليس_ذنبي
بقلم #احمد
البارت_47 الجزء الثاني
(بداية حاب اعتذر عالتأخير الي صار بالقصة لان عيني جانت ملتهبة وماكدر اكتب وذكرت هالشي بمنشور عالبيج وما نزلت بالكروبات والواتباد وإن شاءالله تكون اخر وقفة الى ان ننهي القصة )
ملاك .. وكفت شوية واستغرب مني اوس اشرتلو بايدي ووكف كلت بكلبي اللهم انزع من قلبي كل ذكرى تخص حسان وازرع بقلبي حب اوس اكثر واكثر
اللهم بارك لي في زواجي واجعل اوس زوجي وشريك حياتي في الدنيا وزوجي في الجنة وارزقنا السعادة طول العمر
بعدها كملت خطواتي ودخلت للبيت ودخل وياي اوس وكعدنا بالكوشة الي مجهزينها اهل اوس وصارت الهلاهل بفلس
اوس ما بقى هواي مجرد كعد كم دقيقة وبعدها طلع واجت امو اخذتني اني وخالتي وام علاء لغرفة وحدنا وجابولنا الغدا
تغدينا وكملنا واجت سمر عالسريع عدلتلي المكياج ورجعت كعدت بالكوشة وبلشت حفلة البنات جانت الحفلة من صدك تخبل وما بيها اي شي مو حلو
واكثر شي جان عاجبني هو غياب هيام واهلها لو موجودة بس الله يعلم شتسوي وبقت الحفلة مالت البنات للمغرب وطفن الاغاني وقت العشى
جابولهن الزلم اكل وهالمرة تعشيت وياهن بس ما اشتهيت هواي حسيت نفسي متقيدة بوجودهن وخالتي كالت بعدين ادزلج عشى انتي واوس
من كالت هيج غصيت بالاكل وذكرتني بالشي الي جنت ناسيتو ووجهي صار احمر وكوة اسحب النفس ومن راحت مني الغصة عفت الاكل
بعد العشى بشوية بلشت حفلة الزلم بس بحكم انو اني العاروس فما كدرت اشوف الحفلة وبقيت بمكاني الى ان كالت الشيخة يلا خلي ناخذ العاروس لغرفتها
هي كالت هيج واني احس رجليني صارت خيوط اريد اتحرك ماكدر خالتي عرفت انو مدا اكدر اسيطر على حركتي بسبب خجلي واجت تساعدني
اخذتني للغرفة من دخلنا حجت وياي شوية بس ما فهمت من كلامها لو كلمة وحدة عقلي مشتت بسبب الخوف والتوتر والمشاعر الي تجمعت عندي
كل هالحجي صار وخارج البيت الدنيا محتركة بالهوسات والطلق صار مثل المطر بس من كمية الاصوات ما جنت اعرف شنو جانو يهوسون
الشي الوحيد الي مبين من اصواتهم هي نبرة الفرح الي يهوسون بيها شوية وسمعنا صوتهم دخلو للصالة الي تحت والنسوان كلهن صعدن فوك
وبعدها سكتت الاصوات اني جنت كاعدة عالسرير وافرك ايديني بتوتر وخالتي غطتني بالغشاوة ووكفت تنتظر الى ان اجى اوس للغرفة
جانو هو وابوه واخوانو اول شي سمعت اصوات النسوان الي خارج يباركنلو وهو يرد عليهن وبعدها فتح الباب ودخل للغرفة وابوه واخوانو راحو
أنت تقرأ
ليس ذنبي
عاطفيةاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
