#ليس_ذنبي
بقلم #احمد
البارت_7 الجزء الثاني
ملاك .. اريد بس مصيبة وحدة تصير وعاجوز الجن ما تدخل بيها
سرور .. للامانة اي وحدة بمكانها راح يكون تصرفها ضدج
ملاك .. اي خوش
عفت سرور ورجعت لغرفتي ومن راحو اهل العريس اجو سامي ومحمد لغرفتي كالو نريد نحجي وياج قبل ما نتصرف كلتلهم احجو
محمد .. نريد نزوج جاسم ..... قاطعتو
ملاك .. وتريدون تزوجونو بالمهر مالي ما يحتاج تكمل اخذو المهر ما اريدو
محمد .. ما نريد نجبرج
ملاك .. ههههههههه محمد تضحك على نفسك لو علي هو اخوك جبرني عالزواج تريد يكون الي قرار بالمهر
محمد .. احنا راح نشتريلج جهاز كامل مكمل مثلج مثل اي بنت
ملاك .. ما اريد كلشي
محمد .. خير إن شاء الله
ملاك .. شافني مدا انطيهم مجال علمود يحجون فما حب يطول بالموضوع وسكت ومن راحو نمت ثاني يوم جابو المهر اهل العريس وانطوه لسامي
وطبعا بامر من عمامي ممنوع اني اطلع فراحن الجناين اشترن الجهاز مالي وراحت وياهن هدى بس ما جنت ادري بيها لان رايحين عليها قبل ما يروحون للسوك
من اجو من السوك اجت علي سرور كالت تعالي للصالة شوفي شنو جبنا الج علمود الي ما يعجبج نرجعو للسوك كلتلها من البداية كلتلكم ما اريد شي
كالت المهم اشترينا وهم هدى تريد تحجي وياج كلتلها اذا اجت للغرفة تمشي على رجليها راح تطلع مسحولة ضحكت كالت ليش كلتلها ماعندي اخت اني
طلعت من الغرفة واسمعهم يحجون واسمع هدى تكول صوجي اني صارلي ساعة افتر بالسوك علمودها تاليتها هيج تجازيني وتكول ماعندي اخت
كلت بكلبي من جنتي تجين هنا وما تسألين عني ما كلتي عندي اخت هسا صرت غالية على كلبج اكص ايدي اذا روحة السوك علمودي اكيد رحتي تتونسين
بعدها اخذها محمد للبيت وجابن الجنط الجناين مليانات غراض كالت سرور شوفيهن والي ما يعجبج كليلنا نرجعو وطلعن وعفت الجنط مثل ما هن
صحيح احلى شي عند البنت من تشتري ملابس او غراض جديدة بس وحدة مثلي عايشة بين 4 حيطان ويا ناس مو طايقيها بشنو يهونن عليها الغراض
بالليل اجى سامي كال الولد يريد يسوي العرس بدون هوسة لان واحد من كرايبهم توفى بس اذا تريدين حالج حال البنات لازم يتأجل العرس
كلتلو ما دخلني واذا يتأجل وبدون هوسة بعد احسن كال كليلي تريدين عرس طبيعي لو لا كلتلو لا كال هاي هي لعد راح يكون العرس الاسبوع الجاي
أنت تقرأ
ليس ذنبي
Storie d'amoreاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
