#ليس_ذنبي
بقلم #احمد
البارت_81 الجزء الثاني
(اول بارت من التيلفون الجديد 😁😁)
مر باقي اليوم طبيعي إلى أن اجو الشيخة ودعاء وقيس وبلشت أجواء الشقى والتصنيف بين ذيب وقيس واحنا كاعدات وياهم ونضحك
رغم لسان ذيب ما ينكدرلو بس قيس هم مصيبة بالتصنيف ومرات أتعجب شلون تجي على بالهم هيج افكار بالتصنيف
جان ناقصهم بس اوس يجي يكمل الكعدة بس خطية ملتهي بشغلو وما يكدر يعوفو مثل قبل اذا ما يكون عندو سبب مهم
مرت الايام وصار ذيب احسن من قبل بهواي صار مرات هو يسند نفسو ويكوم يمشي بس مشيو يكون بشكل بسيط
ورغم صارلو هواي بس لان الكلية انشالت نهائيا يبقى مدة كلش طويلة لحد ما يرجع مثل قبل وهو مكيف لان الكل مهتم بيه
اكثر من مرة يكول اني لصالحي اذا ابقى هيج تبقى ياقوت مكابلتني والي اطلبو يجي لعندي وطلباتي كلهم تتنفذ شريد بعد
يعني من صدك جان تخطيط شيطاني بس متأكدين حتى لو يتشافى راح تكون طلباتو كلهن تنفذهن الو ياقوت لان كلش تحبو
من دخلت بشهري تعبت كلش بحيث كوة انام بالليل والاطفال على كولة اوس الك..ويد ما يعوفوني ارتاح نهائيا
كل شوية واحد يتحرك ويضربني يخليني الوب من الوجع وبين ما انسى الوجع يضربني الثاني حتى بالليل ما اكدر انام براحتي
هواي ايام كعدت من النوم على وجع الضربات وكوة ارجع انام ومر تقريبا 15 يوم من شهري وجنت نايمة بالليل ويا اوس
حسيت على وجع ببطني فضيع كلش بدون وعي ضربت اوس على بطنو وفز فزة مو طبيعي وشافني دا اتوجع وتخبل
اوس.. شنو اسوي شنو اسوي .. ويفتر كدام السرير
ملاك.. بسرعة صيح لدعاء .. اجت هي على بالي بدال عمتي
اوس.. يلا يلا .. بصوت كلش عالي.. ولك قيييييييس ولج دعاااااااء
ملاك.. طلع يصيح وصياحو ترس البيت خبلهم كلهم خلال ثواني شفت ياقوت كدامي هي ودعاء وعمتي وعرفو انو راح يجون الجهال
سندتني دعاء وكوة كمت ما وصلت السيارة الا اني روحي طالعة واجت ياقوت ركض حطت جنطة الملابس الي محضرتها بالسيارة
وركبت وياي عمتي واخذنا اوس للمستشفى باقصى سرعة بس من صدك جان الوجع لا يطاق وعرفت ليش يكولون عليه اصعب وجع
من الوجع ما اعرف شصار وياي بس كل الي اتذكرو من وصلنا للمستشفى ودخلوني لصالة الولادة وماعرف بعدها شصار
شفت نفسي بحلم جنت كاعدة بمكان دا اصب جاي ورفعت راسي جانو كاعدين كدامي بابا وماما ودا ينتظرون الجاي
وجان المكان عبارة عن ارض مليانة عشب والجو جان كلش حلو شمس خفيفة ونسمات هوا خفيفة ترد الروح وانطيتهم الجاي
أنت تقرأ
ليس ذنبي
Romanceاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
