ليس ذنبي

البارت (12) الجزء الثاني

#ليس_ذنبي
بقلم #احمد
البارت_12 الجزء الثاني

ملاك .. جنت احس ريوكهم خلص بثانية وحدة واجى اياد سحبني من ايدي واخذني للصالة وراح حسان جاب سجين بس حجمها جبير حطها على ركبتي

انطاه التيلفون اياد وكالو انت كل الي عليك صورني بس لا تطلع وجهي وابقى ساكت علمود ما يعرفون اصواتنا والك الصافي كالو حسان تمام

جانن ايديني مقيدات لورا كعد يم راسي حسان وحط رجلو بين ايديني وقيد حركتي وحاط ايد تحت حنجي والايد الثانية ماسك بيها السجين

جان الموت اهون الف مرة من الي يريدون يسووهاجنت بس اريد صوتي يطلع علمود اتوسل بيهم ما يسوون الي ببالهم بس حلكي مربوط وما يطلع صوتي

حسان .. افتحلك حلكها علمود تطربنا بصوتها

اياد .. شنريد بصراخها بس من اكمل انت اطلع

حسان .. وانت شعندك تبقى

اياد .. اريد اتونس هيج فرصة ما تجي بالعمر مرتين

ملاك .. شفتو مسك حزامو يريد يفتحو صرت ارافس كل قوتي واصرخ بكل صوتي بس ماكو فايدة لا صوت يطلع ولا حركة تنقذني منهم

فجأة شفتهم التفتو لصفحة وحدة ثنينهم واياد حط اصبعو على حلكو ويأشر لحسان بمعنى اسكت لا تطلع صوت وسحب حسان السجين من حلكي

طلع صوت شي كأنو فد غرض وكع عالكاع وعافوني وصارو يتقدمون على جهة الصوت بكل حذر اني صرت ازحف واحاول ابتعد منهم قبل ما يرجعون

دا ازحف وصارن كدامي رجلين زلمة رفعت راسي جان رجال مبين عليه عمرو بال 30 ضخم كلش من شفتو كتلني الخوف صرت ازحف بعيد عنو ومسكني من كتوفي

جان يريد يحجي بس خلصت طاقتي بعد كل هالشي جان فوق طاقتي ومن الخوف فقدت الوعي تنحنح واندارو عليه حسان واياد كاللهم منو انتو وشتسوون بكاعي

رد عليه اياد كلو مدخلك بينا هاي بنتنا وجابت العار لعشيرتنا ونريد نغسل عارنا بايدنا كاللهم كدامكم 5 دقايق اذا ما طلعتو منا اعتبرو نفسكم ميتين

جانو مغرروين لان هم ثنين وهو واحد وهجمو عليه قبل ما يوصلونو انضرب حسان بوكس بوجهو من شخص ثاني ووكع بالكاع

اياد حاول يضرب الي هجمو عليه مسك ايدو ومسكو بالايد الثانية من عند حلكو ورفعو فوك وركعو بالكاع واستلموهم هو والي وياه ضرب بحيث دمروهم دمار

اوس .. قيس اخذهم منا بين ما اشوف هاي الي وياهم شبيها

قيس .. صار بس شنريد بيهم

اوس .. نريد نعرف شعندهم بكاعنا

قيس .. تمام

اوس .. رجعت عالبنت جانت مربوطة ايديها وحلكها فتحتهن وادري بيهم جذابين لان سمعتو من يكول من اكمل اطلع ويريد ينزع ملابسو علمود يغتصبها