ليس ذنبي

البارت (52) الجزء الثاني

#ليس_ذنبي
بقلم #احمد
البارت_52 الحزء الثاني

ملاك .. صحيح اذوني والمفروض ما افكر بالشفقة تجاههم بس فكرت ببيتهم انو بقت بيه بس نسوان وهم كلهم بالسجن لو يحتاجون شي محد عندهم

وثاني شي حسيتها مو حلوة بحقي ينسجنون عمامي الي هم اخوان بابا بسببي بس بصراحة يستاهلون هم جابوها لنفسهم محد جبرهم يأذوني

مرت كم يوم خلالها رجع وجهي مثل قبل ولا كأنو انضربت بس مكان الحزام بقى اثرو وكلت ويا الايام يروح واوس هم راح اثر الضربات الي بيه

رجعنا للروتين الطبيعي رجعت نفسيتي تحسنت وتجاوزنا الموضوع ولله الحمد بس يوم بعد يوم يصير عندي شك ان مكان الحزام راح يبقى اثرو دائما

وكثرة التفكير والقلق دمرتني المشكلة كل ما اشوف مكان الضربات تتعب نفسيتي لان اتذكر ذاك اليوم المشؤوم واني اريد انساه نهائيا

بس بقيت ساكتة ما حجيت لاوس عن تفكيري ما جنت اريد اشغل بالو هو هم خطية من يجي من داومو يجي تعبان وما اريد ادوخو وياي

اوس .. مرت الايام جنت كل يوم اروح احقق ويا عمام ملاك والي احقق وياه ياكل نصيبو ويرجع للسجن مثل الجلب من صدك ذليتهم ذل مو طبيعي

اخير كملت تحقيق ويا عمامها واكلو نصيبهم وطلعتهم وبقو ولد عمها بالسجن وجنت متقصد بهالشي لان بعد ما خلص انتقامي منهم

ولد عمها هم حققت وياهم كلهم وكل واحد اكل كتلة مرتبة بس الي ضربها مرتين حققت وياه مرة ثاري ومرة ثار ملاك خليتو من صدك يخاف من ظلو

بعدها خلص دوامي بس صار عندنا شغل وما كدرت اروح للساعة 10 بالليل وجنت منطي خبر لاهلي انو ممكن اتأخر علمود لا ينشغل بالهم

رجعت للبيت تعبان ميت تعب ومشتاق لملاك شوق مو طبيعي اول ما وصلت البيت جانو اهلي ينتظروني بس ملاك ما جانت وياهم

سلمت عليهم وتطمنت على اوضاعهم وسألت على ملاك وسمر كالت تعبانة وراحت لغرفتكم واخذت جنطتي ورحت للغرفة واحس الغرفة شبعدها صارت

دخلت الباب وهي جانت كاعدة كدام المراية واول ما شافتني اجت كالت الله يساعدك حبيبي واخذتها بحضني ومن شوقي حضنتها ورفعتها من الكاع

ومشيت بيها لحد ما وصلت السرير وكعدنا سوا كلتلها شلونج يا بعد حبيبج كالت مشتاقتلك كد الدنيا كلتلها يبووووه اروح فدوة للتشتاقلي

ملاك .. جانت اخر ايام من دوام اوس شطولهن يصيرن ومرات تجيني البجية من شوقي الو بس كوة احاول اصبر لحد ما يجي

كلتلو متعشي كال اي متعشي وشبعان بس تعبان كلتلو يخصى التعب ونزعت قميصو العسكري ودنكت اريد انزع حذائو وبعد رجلو عني

اوس .. شدتسوين

ملاك .. اريد انزع حذائك علمود ترتاح

اوس .. لا بنيتي اني انزعو