#ليس_ذنبي
بقلم #احمد
البارت_13 الجزء الثاني
اول ما دخلت استغربن منها امي والبنات كلت لسمر اخذيها وياج خلي ترتاح وكوة كدرت تسيطر عليها سمر واخذتها وياها وامي كالت منو هاي البنية
حجيتلها الي اعرفو وكلتلها اذا تكدرين خليها تحجيلج لان ماحجت شي من اجت بس تبجي كالت خليها ترتاح هسا وبعدها الله كريم اني احجي وياها وافهم منها
عيدان .. اوس تعال فهمني شنو صار وشعرفك بيهم
اوس .. يابة اتصل علي مساعد كال الحارس يكول اكو سيارة اجت عالخرابة الي بكاعكم وتعرف انت اذا احد يسوي مصيبة هناك توكع بروسنا
عيدان .. اي كمل
اوس .. المهم ما حبيت اشغل بالكم فاخذت قيس ورحنا نشوف شنو الموضوع وشفنا السيارة واكفة عند الخرابة ووكفنا سيارتنا شوية بعيدة اني وقيس
من قربنا على الخرابة سمعناهم يتفقون فخليت قيس يروح من الجهة الثانية ويطلع صوت علمود يتشتت انتباهم والحمدلله كدرنا نلحك عالبنية
عيدان .. حاس انهم متقصدينا ويريدون يورطونا
اوس .. لا يابة الي يريد يورطنا يجيب اي بنت من اي عشيرة ويورطنا وياهم مو يجيب زوجتو ويريد يخلي شخص يغتصبها كدامو علمود يورطنا
عيدان .. قسم بالله مو عارف افكر من هول الموضوع
اوس .. والله يابة لو شايف منظرها شلون تزحف بس علمود تخلص نفسها منهم تكره حتى نفسك
عيدان .. لا تكمل اني بدون كلشي كلبي خلصان
ذيب .. احجيلي اني شصار اول ما طبيتو
اوس .. من سوا صوت قيس راحو باتجاهو وطلعتلهم اني من الجهة الثانية وجانت البنت تزحف باتجاهي بس مو شايفتني ومن شافتني خافت بعد اكثر
جانت ايديها وحلكها مربوطات وكوة تتحرك عيونها تصب دموع ومجرد تباوعلك تحسسك بكمية الرعب الي تعرضتلو منهم وسحبت نفسها بس قبل ما تبتعد فقدت الوعي
ذيب .. زين من قريت هويتها ما عرفت اهلها لو عشيرتها
اوس .. لا وهم بعيدين منا بس ليش يريدون ينفذون هنا ماعرف
ذيب .. البنت ما حجت شي
سمر .. نزلت من الدرج .. لا ما حجت وكوة نامت من الخوف
اوس .. تمام
ما حسينا الا صراخها ترس البيت وفزينا كلنا على صوتها وصعدت ركض عالغرفة مالت سمر جانت سمر مسكرة الضو والبردات صايرة الغرفة شبه ظلمة
شغلت الضو جانت ساحبة نفسها عالسرير وتصرخ بكل صوتها ومغطية وجهها بايديها مجرد شفتها بهالوضعية ماكدرت اسوي شي ماعرفت شتصرف
أنت تقرأ
ليس ذنبي
Romansaاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
