ليس ذنبي

البارت (29) الجزء الثاني

#ليس_ذنبي
بقلم #احمد
البارت_29 الجزء الثاني

ملاك .. كوة سيطرت على دموعي وبلشت احجيلها من موضوع الشاب الي اعترضلي الى ان اجيت هنا بس اختصرت هواي اشياء

كلتلها خالة يشهد الله على كل كلمة حجيتها انها حقيقة وما زودت ولا كلمة وربي اني بريئة من التهمة مثل براءة الذيب من دم يوسف

بقى ايهم ساكت ما يعرف شيحجي وبالاخص من اقسمت بالله ما بقى مجال للشك كال احلفج بالله هاي الحقيقة كلتلو اقسم بالله هاي الحقيقة

كال لعد ليش اخوانج جذبو واتهموج كلتلو ماعرف بس الله يعلم شنو الي خلاهم يكرهوني لهاي الدرجة ويأذوني هيج لهذا انتو توقعتوني مو بريئة

لانة .. معقولة يا گمر تالي ما تالي هيج يصير ببنتج

ملاك .. الحمدلله على كل حال

لانة .. المهم يمة اوس الله يجزاك الف خير لان جبتها النا ووضحتلنا الحقيقة مهما نشكرك ما يكفي

اوس .. ولو واجبي هذا بس اعذريني ملاك ماكدر ابقيها هنا

لانة .. لا تبقى هي اجت على بيت خالتها بعد مو غريبة واني اهتم بيها طول عمري

اوس .. كفو منج ما تقصرين بس انتي تعرفين بقائها هنا راح يجر وراه مشاكل هواي وبدون هاي المشاكل مستحيل ابقيها هنا مهما كانت الاسباب

كليلي اريد اشوفها كل فترة اي بعيني اجيبها الج بس سالفة اروح منا وهي مو وياي اعذريني ماكدر وابوي بالاخص مستحيل يستقبلني بدونها

ايهم .. احنا مسؤولين عليها خوية الناس راح تاكل وجهنا اذا عرفو اجت لهنا وخليناها تروح ويا شخص غريب

اوس .. مو ضروري تحجون للناس ومن الاخر مستحيل اقتنع ابقيها هنا بس راح تبات هنا لان باجر نمر مدرستها ناخذلها نقل يمنا

لانة .. تمام براحتك يمة لعد باتو هنا والله كريم

اوس .. لا اني اترخص........

ايهم .. اذا عندك شغل براحتك بس اذا تريد تبات بغير مكان فما مقبولة ابد

اوس .. بس .......

ايهم .. لا بس ولا شي ماكو اي عذر بعد

اوس .. هاي هي مثل ما تريدون

لانة .. تعالي وياي ملاك

ملاك .. تمام

اخذتني وياها للمطبخ وبلشت تجهز بالعشى واني احجيلها الي مريت بيه ودموعي تصب على خدودي مثل النهر الجاري وهي تبجي وياي

وكل شوية تكول عانيتي كل هالمعاناة بسبب هالجلاب هسا شكول لربي واني قصرت وياج كل هالتقصير كلتلها لا خالة انتي ما دخلج هم السبب

وكل شوية تبوسني وتكول والله مو مصدكة انو انتي كاعدة كدامي بعد كل هالمدة هاي كلتلها الفضل لله ثم اوس واهلو هم الي انفذوني وساعدوني