ليس ذنبي

البارت (11)

#ليس_ذنبي
بقلم #احمد
البارت_11

گمر.. ثاني يوم الصبح كعدت جان منير مو موجود واحس شوية احسن من قبل سندت نفسي وغسلت وجهي ونزلت وصلت نص الدرج وسمعت منير يحجي ويا امو

منير .. يمة شلون احجيلها من طلعت من الدكتورة واني كلبي يوجعني اذا كلتلها تتخبل والله

مديحة .. شلون لعد تبقى ساكت هيج

منير .. ماعرف يمة دا افكر الكي فد طريقة احجيلها

گمر .. نزلت من الدرجة .. شكو

منير .. ااا لا لا ماكو شي .. واجى سندني وكعدت يمو

گمر .. احجيلي شكو

منير .. ماكو شي ارتاحي انتي

محمد .. بوية منير احجيلها گمر مؤمنة بالله واكيد تعرف ان  هذا امر الله

گمر .. احجي منير راح اتخبل ترا

منير .. انتي حامل بس

گمر .. بس شنو الطفل ميت

منير .. لا مشوه تشوه كامل ولازم تسوين عملية اجهاض

گمر .. شلون اسوي عملية اجهاض تريدني اقتل روح طفل بريئ

منير .. افهميني گمر الطفل مشوه يعني اذا اجى للحياة ماراح يكون طبيعي وممكن يبقى يتعذب طول عمرو

گمر .. وشلون اتحمل ذنبو

منير .. اني سألت عن هالشي وكالو ماطول مشوه يصير نسويلو اجهاض

گمر .. لا ما اسويها

منير .. گمر عيوني انتي الطفل راح يتأذة وراح يتنمرون عليه وماراح يكون طبيعي اذا اجى للدنيا راح تتحملين ذنبو انتي لان راح يعيش بمعاناة بسبب عنادج

گمر .. بدموع .. بس اني خايفة

منير .. مسك وجهي بايديه .. لا تخافين اني وياج ما اعوفج مهما يصير

گمر .. بس اريد اروح لماما قبل العملية

منير .. لا تخوفين اهلج هسا

گمر .. لا فدوة وديني لماما قبل ما نسويها

منير .. تمام مثل ما تريدين كومي هسا جهزي نفسج علمود تروحين تشوفيها ونرجع ونشوف باجر او بعدو نسوي العملية

گمر .. تمام

كمت من يمهم وويا كل خطوة توكع دمعة ليش ياربي يصير هيج وياي من دون كل الناس بس اني طفلي مشوه وياريت تشوه بسيط لا تشوه كامل

جانت بصدري حسرة كلش جبيرة لان وافقت اقتل ابني الي بعدو ما شاف النور بس هذا امر ربي والحمدلله الذي لا يحمد على مكروه سواه

اكيد ربي دا يختبرني اني ومنير علمود نصبر ويعوضنا بالاحسن منو مسحت دموعي وكلت هذا قضاء الله كافي گمر لا تبجين حرام عليج