ليس ذنبي

البارت (19)

#ليس_ذنبي
بقلم #احمد
البارت_19

((جماعة الواتباد شو لا تفاعل لا تعليقات اذا ما تريدون انشرها بالواتباد كولولي علمود ما اتعب نفسي وانزلها هنا او اثبتولي انكم تريدوها بتفاعلكم))
گمر .. رحنا للمستشفى وبالطريق احس روحي طلعت كال شبيج دخيل الله جهالج كلهم يجون بالليل شنو اني مخلف حرامية لو مسلبجية علمود يجون كلهم بالليل

جان يحجيها بحركة لان جان كلش تعبان وبصراحة ما الومو وبوقتها مو منتبهة عليه من الوجع بس كل ما اتذكر كلامو اضحك عليه لان صار من الذكريات الجميلة

من وصلنا المستشفى طبك السيارة وسامي جان خايف لان يشوفني دا اتوجع اريد انزل ومسك ملابسي ما يريد يعوفني وسحبو منير وشالو

ورجع سندني ودخلنا داخل ومن شافني الممرضات اجن فورا اخذني ذاك اليوم او ذيج الليلة فعليا ما اتذكر منها كلشي اخر شي اتذكرو من دخلت المستشفى

ثاني يوم كعدت لكيت منير يمي هو وماما من شافني كعدت اجى باسني كالي شلون صرتي يا روحي هزيتلو راسي بمعنى زينة وابتسمتلو بتعب

تطمنت علي ماما هم كالو انو بابا اجى ويا ماما بس عندو شغلة يكملها ويرجع واهل منير هم اجو بس ماكو فايدة من وجودهم ورجعو لبيتهم

منير .. عندي الج مفاجئة

گمر .. بتعب .. هو اني صايرة مفاجئة

منير .. لا هاي ما تتوقعيها

گمر .. شنو هي

منير .. ثواني

گمر .. طلع من الغرفة باوعت لماما كلتلها شنو كالت ماعرف شوية ورجع هو وممرضة وكل واحد بايدو جاهل باوعت عليهم وغرغرت عيوني بالدموع

منير .. ها شبيج

گمر .. ذول ثنينهم ولدي

منير .. لا هذا ابنج وهاي بنتج

گمر .. ما دخلني اريد بنتي وانت اخذ الثاني ما اريدو

منير .. اي مو جايبينو من سوك الجمعة

گمر .. ما دخلني مو تريد جهال دخذو وخلي يشوفك الضيم

هدى .. انطيني انطيني هاي تخبلت فد مرة

منير .. ليش هي جانت صاحية

گمر .. يااااااا هاي اني بسيطة بسيطة

منير .. انتي مو تعبانة شو صرتي تهددين

گمر .. كيفي

اخذت ماما البنت حطتها بحضني جانت كلش حلوة وناعمة منظرها وهي نايمة احلى حتى من منظر سامي باوعت عليه كلتلو وين سامي كال لا تخافين دزيتو لعلياء

هدى .. يلا گمر رضعيهم خطية هسا كاتلهم الجوع

گمر .. تمام

طلع منير يريد يشوف ابوي اذا اجى ولا لا وساعدتني ماما ورضعتهم وبقيتهم نايمين يمي واباوعلهم شكد حلو منظرهم ياربي من صدك يخبلون وهم نايمين