ليس ذنبي

البارت (58) الجزء الثاني

#ليس_ذنبي
بقلم #احمد
البارت_58 الجزء الثاني

ذيب .. لا تبجي اوس انومك يمي ختولي هاي ام 3 صراصير

قيس .. ولج دعاء معقولة تسوين بي هيج اذا ضميت عليج شي

دعاء .. اي اكيد

اوس .. لا قسم بالله تخبلت البنية

ملاك .. عفتهم يحجون ورحت لغرفتي والفرحة مو واسعتنييييييي

دخلت للغرفة من الفرحة ماعرف شسوي كعدت عالسرير وحطيت ايدي على بطني معقولة 3 اطفال دفعة وحدة حتى مو توم ثنائي

بس لحضة شلون راح اكدر اهتم بيهم كلهم هو اني ما مهتمة بنفسي علمود اهتم ب 3 اطفال بس يلا لوقتها الله كريم الله يحلها

شوية واجت سمر كالت بابا يصيحج كلتلها جاية وراج وبعد ما نزلت هي نزلت ورحت عالصالة جان موجود سلمت وكلتلو عمو صحتني

عيدان .. اي بوية كعدي

ملاك .. تفضل عمو

عيدان .. اول شي الف مبارك والله يتمملج على خير

ملاك .. الله يبارك بيك عمو

عيدان .. عمتج تكول خلي نحول غرفتكم للطابق الاول

ملاك .. ليش

عيدان .. علمود ما تبقين تصعدين عالدرج وتنزلين الدكتورة كايلة لاوس لا تصعد وتنزل هواي

ملاك .. الي تشوفوه عمو ماعندي اي اعتراض

اوس .. مو بس هيج

ملاك .. لعد

اوس .. لا تشيلين شي ثكيل لا تبقين بدون اكل لا تنامين حوعانة لا تبردين لا تتعبين لا تعاندين لا تبجين هواي وعلى اسباب ما تسوا

ملاك .. تمام إن شاء الله

اوس .. اني باجر احاول اوصل خبر للمستشفى خاف مخربطين بالتحالليل من سوولج وحطو اسمج على تحليل شخص ثاني

ملاك .. صدك نسيت اسألك عن التحليل

اوس .. اني ما مقتنع ان متبدل اسمج ويا شخص ثاني بس علمود نتأكد والي مريض يعرف بحالتو

ملاك .. اي احسن هيج

اوس .. صدك جهزيلي جنطتي باجر عندي دوام

ملاك .. تمام من عيوني

اوس .. صدك ذيب كوم جيب جنطة الهدايا ما لحكنا نوزعهن

ذيب .. ما اريد اني روح جيبها انت

اوس .. ما تتذكر هاي الخبلة شحلفت تسوي

عيدان .. شحلفت

اوس .. تكول وربي اذا دخلت الغرفة اسوي شي اخليك تندم طول عمرك

عيدان .. افه ليش بوية هيج

ملاك .. عمو اول شي ما كالي على  تحليل بغداد وفوك هاي ما كالي على نتيجة هذا التحليل ولو ما اجت سمر خلتني انزل جان لحد الان ما اعرف