ليس ذنبي

البارت (10)

#ليس_ذنبي
بقلم #احمد
البارت_10

گمر .. والله يا عمو ماعرف اخبز على تنور الغاز وكلتلهن هالحجي وعمتي جبرتني اخبز بدال رنيم

محمد .. خلص سكرو عالموضوع ما يسوا تصير مشكلة علمودو

من خلصنا عشى غسلت المواعين وصعدنا لغرفتنا اني ومنير واستمر الحال على ما هو عليه يوميا امو تلكيلي سالفة تسوي منها مشكلة

جنت ما اهتم الها بس دائما تحرض منير علي وحتى هو خطية يجي من الشغل مهدود حيلو من التعب تستقبلو بالتحريض علي وصار يضوج كلش

جان يوميا يكلي گمر اني اعرفج بريئة بس حاولي تتحاشين امي ونفذي الي تسويه ترا والله صرت اكره الرجعة عالبيت شكد ما تصير بيه مشاكل

كلتلو وربي دا احاول دائما ارضيها بس ماعرف شبيها تضوج مني وابد ما تحب ترضى عن الشي الي اسويه لو احوللها الرمل ذهب تكول ليش ما حولتيه الماس

والله يشهد على كلامي صرت مرات اشتغل غير شغلي بس علمود ما تصير مشكلة وبالليل يجيني منير ضايج لان تحرضو علي من يجي

مرة من المرات جانو الولد طالعين هم وابوهم وناصر خلص غدا وراح للاستقبال واني كنست مكان الاكل وكعدت بالصالة ماعندي شي اسويه

مديحة .. كومي گمر غسلي المواعين

گمر .. ورنيم ليش ما تغسلهن

مديحة .. اريدها بشغلة كومي اغسليهن

گمر .. تمام

رحت للمطبخ كلت لرنيم ووكفت بمكانها اغسل المواعين وراحن ويا رنيم علياء وعهد ومن خلصت رجعت غسلت ملابسي اني ومنير ونظفت الغرفة

بين ما كملت اذن العصر صليت وكعد شوية بالغرفة ارتاحيت وبعدها نزلت شطفت البيت عالسريع ورجعت كعدت بالصالة اباوع للتلفزيون

مديحة .. كومي گمر سوي عشى

گمر .. هاي عهد يمج

عهد .. مو عاجبني اسوي عشى

گمر .. لعد ابقو بدون عشى

مديحة .. تردين بوجهي ولج

گمر .. اشتغلت شغلي وشغل رنيم واني ساكتة

مديحة .. وتكومين هسا تسوين عشى ورجلج فوك راسج

گمر .. والله ولا اسوي شنو معناها من اني اشتغل وهن كاعدات هنا

كامت من مكانها وصارت تتفتف بي تريدني اكوم كلتلها ما اكوم لا تحاولين تجبريني واذا اكوم اروح لغرفتي شغل غيري ما اشتغلو بدون سبب

كملت كلامي وفاجأتني براشدي كدامهن كلهن باوعت عليها بصدمة كلتلها ماراح ارد عليج لان اكبر مني يصير خير وعفتهن وصعدت لغرفتي

حطيت ملابس الي بجنطة ولبست عبايتي وانتظرت منير لحد ما صارت صلاة العشاء واجى مدخن وكاتلو القهر وكملت عليه من شافني لابسة عبايتي