#ليس_ذنبي
بقلم #احمد
البارت_18 الحزء الثاني
ملاك .. بعد كم يوم جانت طالعة الشمس وكعدت لكيت ام علاء بالحديقة كاعدة ورحت يمها جنت مو مبدلة ملابسي لابسة دشداشة النوم
لكيتها مكملة الريوك كلتلها ليش ما كعدتيني كالت هو ريوك قابل شمسوية تريكنا وغسلت المواعين واخذت كتاب قصص وكعدت اقرا بالحديقة
اندمجت كلش بالقصة واحداثها المشوقة وجنت مركزة بيها ومادري بالي جان يصير يمي
اوس .. بيوم من الايام جنت بالغرفة واجتني سمر كالت فدوة اوس روح جيب ملاك والله كلش ضايجات اني ودعاء ونريد نتونس وياها
اوس .. بس ما تقبل تجي
سمر .. جيبها يوم او يومين
اوس .. واذا رفضت هي وام علاء
سمر .. لا كوللها سمر دزتني اذا رفضت خابر ماما علمود اني احجي وياها
اوس .. ليش ما تأجليها لبعدين
سمر .. لا اوس فدوة فدوة روح هسا
اوس .. هههههههه شبيج مثل الطفلة تتوسلين بس علمود ملاك
سمر . اي لان ضايجات كلش
اوس .. تمام هسا اروح اجيبها
سمر .. يااااااي شكرااا اروح ابشر دعاء
اوس .. طلعت من الغرفة تركض وضحكت على ردة فعلها وبدلت ملابسي وركبت سيارتي ورحت علمود اجيبها وجنت متأكد راح ترفض هي وام علاء
من وصلت دخلت بالحوش جانت ام علاء تكنس الحديقة سلم عليها كلتلها لعد ملاك وين كالت عفتها بالحديقة الثانية واجيت اكنس هاي لان ما عندي شي
كلتلها انو اريد اخذها وبالبداية رفضت بس كلتلها سمر تنتظرها هي ودعاء وضايجات عليها وكوة كدرت اقنعها كالت تمام بس مو تتأخر كلتلها لا
كالت روح شوفها بالحديقة واسألها بس اذا رفضت ترا ما دخلني اني ممنوع تجبرها ضحكت وكلتلها خوش قانون هذا وعفتها ورحت لملاك
جانت الحديقة الها بابين واحد من البيت تطلع عليها والثاني من صفحة البيت وتدخل من فتحة مثل الباب بالسياج بس ياريتني لا رحت ولا وصلتها
وصلت عند السياج جانت هي حاطتلها فراش وحاطة مخاد وساندة ظهرها عليهن وماسكة بايدها كتاب ودا تقرا بيه وما انتبهت لوجودي
جانت لابسة دشداشة سودة وطالعة منها ايدها مثل الثلج وفاتحة شعرها ونازل عالمخاد وبعض الخصلات الخفيفة نازلة على خدودها المتروسات
جان ضميري يحاول يسحبني علمود ابتعد عنها وجسمي احسو تخشب بمكانو من منظرها اريد اتحرك بس علمود ابتعد عنها ما كدر
رغم تصرفي ابد مو حلو لا بحقي ولا بحق تربيتي بس اقسم بالله خارج ارادتي صار جنت واكف واباوعلها واني مصدوم من منظرها وهي ولا تدري بوجودي
أنت تقرأ
ليس ذنبي
Romansaاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
