#ليس_ذنبي
بقلم #احمد
البارت_22
گمر .. جان منير دائما يسألني عن حملي واذا دا اتعب لو لا واكلو الحمدلله كلش زين ويكول الحمدلله لو متعبج جان بقيت الوم بنفسي لحد ما تجيبين
كلتلو هذا رزق من ربنا والناس تتمنى ريحة الجاهل حتى لو يتعبني يبقى رزق من ربنا ولازم دائما نحمدو ونشكرو على هاي النعمة وهو يكول اي والله صح لسانج
مرت الايام بسرعة جانت كلش حلوة والاحلى هو نجاح سامي جان طاير من الفرح اجى يركض يبشرني من اخذ النتيجة ودرجاتو كلها عشرات
بعدها ولاول مرة يروح لعمامو لحالو اخذ الشهادة وراح يركض يشوفهم وبعد شوية رجع تارس جيوبو فلوس ياهو الي يشوف نتيجتو ينطيه فلوس
وجنت اني طايرة من الفرح وحمودي يباوعو بحقد انتبهت عليه كلتلو شبيه وليدي الحلو زعلان كال ليش سامي عندو فلوس واني ما عندي
ضحكت كلتلو هسا يجي بابا واخليه ينطيك انت وهدهد موافق ابتسم وكال اي موافق وبستو وصرت ادغدغو وهو يضحك ومن اجى منير راح يركض عليه سامي يشوفو
منير طار من الفرح من شاف درجات سامي اشرتلو وتقرب علي كلتلو حمودي زعلان لان سامي اخذ فلوس من عمامو عود انطيه علمود لا يبقى على خاطرو
جنت احجي وياه بصوت ناصي علمود ما اسوي حزازيات بين الاطفال ومنير سوا الي كلتلو عليه وحتى جاسم حطلو حصتو يمي وانطاني اني باقي الفلوس
منير .. ذني الج ولبنيتي
گمر .. منو كلك بنية
منير .. اني هيج احساسي والي يجي من ربنا يا محلاه
گمر .. اممممم هاي اخر العنگود مو
منير .. شنو قابل دا نخلف عنب
گمر .. ههههههههه لا عنگود الجهال
منير .. امممممم نفكر بالموضوع يجوز نجيب فد 5 او 6 غيرها
گمر .. شنووووو شعندنا قابل جيش
منير .. هههههههه نريد نسوي تشكيلة فريق كرة قدم
گمر .. هههههههههه حتى الفريق مو هيج
منير .. لا هاي هي هذا اخر العنگود على كولتج
گمر .. اوك اتفقنا
منير .. گولي إن شاء الله بنية
گمر .. إن شاء الله بنية
منير .. بس بنفسي اجيبلها اخو
گمر .. هههههههههه لا كافي الي عندنا يكفون ويوفون
منير .. ههههههه تمام يابة الي تريديه
گمر .. يلا روح بدل ملابسك وتعال غسل علمود نتغدا
منير .. تمام
گمر .. اجى تغدا جان موعد ولادتي مو مطول وبعد تقريبا اسبوع او هيج شي صارت ولادتي بس سبحان الله اسهل ولادة الي هي هاي المرة
أنت تقرأ
ليس ذنبي
Romansaاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
