#ليس_ذنبي
بقلم #احمد
البارت_43 الجزء الثاني
(البارت بدون تعديل لان جنت مشغول وبعد العشى بلشت بيه لان ماكدرت اعوفكم بدون بارت لذلك قدرو تعبي بكم تعليق وربي عيوني يحركني من كثر التركيز )
اوس .. هيام الله يصلحها عشت وياها فترة بسيطة مرتاح بعدها كرهت حتى الزواج بسببها وكرهت حتى فكرة العائلة والاطفال بسبب اهمالها
هسا لا عندي امل كلش جبير انو ملاك مختلفة عنها رغم صغرها وصغر عقلها بس مبينة ذكية وتكدر تتحمل مسؤولية زواج واطفال وعائلة
ووياها هسا امي وخالتها اكيد دائما يكونن سندها وعون الها بوقت الشدة ودائما يقدمن الها النصائح الي تحتاجها بحياتها علمود ما تقصر وياي
مرت كم يوم من صدك ملاك خبلتني بيهن مرة تضحك مرة تغني مرة تبجي مرة تصرخ مرة تتعارك وماكو على لسانها غير منو انت
بس رغم هذا جنت كلش اضحك على تصرفاتها يكفي انها موجودة كدامي بخير وسلامة وجانت كل يوم تنزل الدبدوب وياها للصالة
مرة من المرات جانت متمددة عالقنفة وحاطة الدبدوب فوكها ومو مبين منها بس وجهها وجانت تحجي ويا الدبدوب فجأة سكتت
كلتلها ها هبط الباتري باوعت علي بنظرة غريبة ورجعت تباوع للبدوب كلتلها ملاك بيج شي كالت لا وبعدت الدبدوب وكامت وكفت
مشت خطوتين وفقدت الوعي وركضت عليها ومسكتها قبل ما توكع بس بوقتها من صدك تخبلت اكيد رجعتلها ذاكرتها فجأة وصابتها غيبوبة
خالتها صار وجهها اصفر من الخوف صحت على سمر كلتلها بسرعة جيبيلها عباية وصرت امسح على وجهها واصيحها اريدها تكعد وماكو
اخواني وابوي اجو على صوتي من اجت سمر لفيتهة عالسريع بالعباية وشلتها وطلعت ركض جان قيس مشغل السيارة وينتظرني
اول ما حطيتها بالسيارة انطلق باتجاه المستشفى كلتلها فدوة ملاك كعدي لا تعوفيني لحالي فدوة افتحي عيونج لك بسرعة قيسسسسسسس
طول الطريق اتوسل بيها علمود تصحى وبدون فايدة من وصلنا نزلتها وركضت بيها عالمستشفى وجان اكو ممرض شافني قبل ما ادخل
راح ركض جاب السدية واخذها واجت الدكتورة مالتها وجانت تعرف حالتها فما سألتني فورا دخلت عليها واني انتظر على نار
جنت ادعي انو ما تدخل بغيبوبة ويمكن خلال دقيقة دعيت الف دعاء شوية واجى ابوي جايب امي وخالة ملاك كالو ها شصار وياكم كلتلو بعد
بقينا ننتظر الى ان طلعت الدكتورة وتجمعنا يمها كلتلها ها شصاير وياها كالت تطمنو وضعها كلش ممتاز رجعتلها ذاكرتها بس تحتاج راحة
كلتلها ليش فقدت الوعي كالت هالشي طبيعي الدماغ مثل الكمبيوتر من تدخل بيه معلومات هواي دفعة وحدة يتأثر ودماغها تأثر بكمية الذكريات الي اجتها
أنت تقرأ
ليس ذنبي
Romanceاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
