#ليس_ذنبي
بقلم #احمد
البارت_64 الجزء الثاني
بعدها اخذني اوس للغرفة وتمددت بحضنو وفورا غفيت وكعدت وقت اذان الفجر صليت ودعيت لياقوت بالصحة والعافية وبعدها رجعت نمت
من غفيت شفت ياقوت جانت كاعدة وبايدها سجاد من شفتها طرت من الفرح كلتلها ايمتى طلعتي من المستشفى وليش ما ادري بيج
كالت الله عز وجل يعرفني بريئة ووقف وياي باوعت على ساجد جان يباوعلها ويضحك دنكت عليه كالت يا روحي وهو مد ايديه على وجهها وانترس المكان بصوت ضحكتو
كعدت من الحلم لكيت نفسي مبتسمة يا الله شكد حلوة هاي الرؤية إن شاء الله تتحقق وتتحسن حالتها واشوفها واكفة على رجليها باسرع وقت
باوعت للساعة جانت 7:30 لبست شالي وكمت رحت للمطبخ جان فارغ حطيت الجاي عالنار ورجعت للغرفة تمددت وانتظرو يفور
قبل ما يفور رحت عليه جان باقيلو شوية وبلشت احط بالريوك علمود يروح للمستشفى اوس بس العائلة كلهم كعدو لان مشغول بالهم على ياقوت
تريكو الولد والشيخ وراحو للمستشفى اني انتظرت الى ان وصلو وخابرت اوس كال ماكو شي جديد وبعدها استرخصت من الشيخة ورجعت نمت
جنت احس نفسي تعبانة ماعرف ليش واحس بتعب نفسي اكثر من التعب الجسدي بس ماكول غير الحمدلله على كل حال المهم اني واوس بخير
اخذتني النومة وما كعدت للظهر وياريت كعدت لحالي لا كعدت على ازعاجات اوس وساجد جان جايبو وياه ويحطو على وجهي علمود يمسكني من وجهي ويزعجني
اوس جان من نوع الزلم الي يحب الجهال بس مو بطريقة مبالغ بيها لا يحب لعبهم وضحكهم بس ما يحب يبقى شايلهم او يكابلهم 24 ساعة
من كعدت باوعت عليه جان شايل ساجد وساجد مكيف يحرك بايديه ويطلع اصوات واوس يضحك على صوت ساجد ومنظرو جان كلش حلو
كلت بكلبي إن شاء الله اكعد على لعبك انت وجهالنا كلتلو شصار عن ياقوت كال بعدها نايمة بس وضعها كلش زين وامها كعدت بس ما تقبل تجي هنا
كلتلو شنو عفتها بالمستشفى كال لا اجى ابنها اخذها ترتاح ببيتها وبعدين ترجع لياقوت بس خطية المرة كلش تعبانة والسكري يمها معلك
كلتلو الله يعينها اني الي ما اعرف ياقوت بس كم يوم جنت راح اتخبل فشلون هي امها حتى مو وحدة غريبة عنها اكيد راح تنصدم اضعاف صدمتي
كال اي صحيح بس انتي شوكت لحكتي تتعودين عليها كلتلو سبحان الله يا اوس من اول ما اجت هالبنت دخلت كلبي فورا وماعرف شنو السبب
كال لان انتي طيبة كلتلو لا والله هالبنت الله حببني بيها يجوز لان مظلومة واني احس بيها لان عشت تقريبا مثل الي عاشتو فحسيت بوجعها
أنت تقرأ
ليس ذنبي
Любовные романыاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
