ليس ذنبي

البارت (82) الجزء الثاني

#ليس_ذنبي
بقلم #احمد
البارت_82 الجزء الثاني

اوس.. صدك يولي انتي منو انطاج صلاحية تنطينهم بنيتي

ملاك.. بحدة.. اوووووسسسسس

اوس.. احمممم ياقوت بوية اخذي گمر من امها لا تزعجها

ذيب.. ههههههههه احمممم قيس لا تضحك

ملاك .. شبعو ضحك الولد وبالاخص انو اني واوس صرنا نتعاند مثل الجهال وذيب روح كلبو هاي السوالف يموت عليهن

من اجل وقت النوم راح اوس لغرفتنا لان متعود ينام هناك وكالعادة خالتي بدلت للجهال ورضعتهم اني ونامو كلهم سوا

واكيد ما يبقون نايمين كل الليل بس وجود خالتي وياقوت خفف علي هواي من تعبهم تخيلو انتو لو لحالي على 3 جهال الا اموت

باليوم الثالث راحو اوس وخالتي ودعاء يتسوكون ملابس واغراض للجهال لان ما جنا نعرف جنسهم وما اخذنا بس كم بدلة احتياط

اني بقيت يم الجهال بالبيت وصرت اكدر اتحرك بس مو هواي احتاج استراحة كم يوم بعد وياقوت بقت علمود تسوي الغدا

من اجو جانو جايبين مسواك تارسين السيارة ترس وجايبين لكل واحد سرير لحالو وملابس لا تعد ولا تحصى

واخذوهن كلهن لغرفتنا الفوك اني واوس لان لازم نرجع عليها هم حجمها اكبر من الي تحت وتكفينا احنا وجهالنا مع بعض

خالتي بقت يمي اسبوع وبعدها رجعت لبيتها وكلش ضجت من راحت بس بالاول والاخير جان لازم ترجع لبيتها ولحياتها

دعاء رغم عندها ساجد بس جانت تساعدني بالجهال لان ساجد ينام الليل كلو ما يكعد وياقوت هم جانت مو مقصرة وياي

بس جانت ياقوت دائما تاخذ گمر ومن تكون كاعدة وساكتة تفتح كماطها وتبقى تضحك على حجم ايديها ورجليها

جانت تبقى مركزة بعيون گمر ومن اسألها تكول ماعرف ليش احب اباوع بعيونها احس عيونها عالم كامل يجذبني انو اباوع عليه

وفعلا صحيح الجهال لان تكون عيونهم مو متأثر بالتيلفونات او السهر تكون عيونهم كلش صافية وشكد ما تباوع لعيونهم ما تشبع

اوس جان يتخبل من يكعدون بالليل ويبقى يسب بيهم وهو ضايج واني كوة كاتمة ضحكتي علمود ما ينفجر بي ويرزلني وياهم

ولاول مرة يفرح بدوامو وانهزم من البيت هزيمة جانت تربية 3 تؤام متعبة بشكل لا يوصف رغم المساعدات الي دا احصلهن

من صار عمر الجهال 15 تفاجأنا كلنا بخبر خطوبة هيام خطبها واحد من بغداد وحسب كلام كرايبهم ان هالشخص هذا ارمل

اكبر من هيام ب 3 سنين ووضعو المالي كلش ممتاز ووحيد لاهلو وبصراحة اني جنت اكثر وحدة فرحانة بخبر خطوبتها