#ليس_ذنبي
بقلم #احمد
البارت_32 الجزء الثاني
ملاك .. حط اصبعو تحت حنجي ورفع راسي واجت عيوني بعيونو وضعت ضياع ما ينوصف بعيونو بحيث نسيت نفسي وبقيت اباوع بعيونو
وكع من ايدي المرهم وفزيت وكأنو جنت فاقدة الوعي وهسا رجعلي وعيي وانهزمت فورا من الغرفة مالتو ورحت ركض لغرفتي وسكرت الباب وسندت نفسي عليه
حطيت ايدي عل كلبي يدك بسرعة مو طبيعي احسو يوجعني من سرعة الدكات بس جنت تعبانة كلش واول ما تمددت اخذتني النومة
كعدت العصر بس متكاسلة اكوم صرت امط جسمي واتثاوب واني بفراشي واجى ببالي موقف الصبح وموقفي من جنت احط مرهم لاوس
يا ترا راح تتغير نظرتو تجاهي لو تبقى هي هي بس اكيد ما تتغير لان كلامو قبل ما انام يدل على هالشي وهو يعرف بعفوية حضنتو ماعندي قصد ثاني
زين ليش من اجت عيني بعينو تجمدت بمكاني شنو الي دا يصير وياي وليش ويا اوس بالاخص دون كل الناس الي قابلتهم بحياتي كلها
حتى بابا وماما الله يرحمهم من جانو موجودين ما اتذكر باوعت بعيونهم واجاني نفس الاحساس الي اجاني من باوعت بعيون اوس خلي انزل احسن كلشي
كمت لبست ملابسي ونزلت تحت لكيت دعاء وسمر كاعدات ودا يسون العشى واوس بعدو نايم كلتلهن شعندكن من هسا بلشتن بالعشى بعد وقت
سمر .. جوعانين كلنا لان ما تغدينا فسويناه هسا
دعاء .. باجر شدي حزامج راح تنخبص عليج الامة
ملاك .. يا ساتر شكو
دعاء .. عمي حيسوي عزيمة برجعة اوس
ملاك .. اي عادي
دعاء .. الضاهر ما فهمتي
سمر .. دعوفيها من يومها فاهية وطايحة حظ
ملاك .. هاي شبيج انتي بس ترزلين
سمر .. مو شيبتي كلبي يالفاهية يالثولة
دعاء .. هههههههه ملاك ديري بالج على نفسج ترا راح تتخبل عليج سمر
ملاك .. الي يسمعج يكول هسا هي عاقلة هي من يومها مخبلة
دعاء .. بهاي وياج حق ههههههه
سمر .. ملاك امانة جاوبي بكل صدق وصراحة
ملاك .. على شنو اجاوب
سمر .. تعرفين شنو ببال اوس لو لا
ملاك .. شنو شايفتني اقرا الافكار
سمر .. لا اكو موضوع واضح كلش وكلنا نعرف بيه
ملاك .. شنو هو
سمر .. امانة ما تعرفيه
ملاك .. لا والله .. باوعت على دعاء .. انتي تعرفيه
أنت تقرأ
ليس ذنبي
Любовные романыاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
