#ليس_ذنبي
بقلم #احمد
البارت_79 الجزء الثاني
(اعتذر عن الانقطاع الي صار بسبب المرض ❤)
ملاك.. بقينا نحجي وياقوت ما رجعت راحت لغرفتها وماعرف انتبهت انو ذيب جذاب لو عبالها من صدك توجع بس المهم انها انهزمت علمود محد يحجي وياها
من اجى وقت النوم نمنا وثاني يوم بعد الريوك راحو اوس وابوه ووياهم زلم من عشيرتهم علمود الكعدة وجانت الساعة تقريبا 10 وبقينا احنا ننتظرهم
اوس.. رحنا على مضيف الشيخ محمد صراحة ما جنت مقتنع بالكعدة لان معروف دائما يكون الشيخ جبير بالعمر ويعرف امور العشاير ويحكم بينهم بذكاء
محمد جان بعدو صغير واحتمال ما يكون عندو تجربة بالحياة مثل الجبير بس اكيد احنا راح يكون النا راي بالكعدة لذلك ننطي راينا ونشوف شيكولون
جنا رايحين اني وابوي و4 من عمامي من وصلنا استقبلونا استقبال كلش حلو وجانو كلش فرحانين بينا وجانو موجودين هو وصاحبو وكم واحد من عشيرتهم
من خلال الكلام عرفت ان واحد منهم يكون عمو ومبين جبير بالعمر واستغربت ان شعجب مو عمو هو الي صار الشيخ بس يجوز العشيرة اخترتو
الي عجبني بيه طريقة كلامو تحسسك شكد شخصيتو قوية والو هيبة بالمضيف وبارز نفسو رغم فارق العمر بينو وبين الزلم الموجودين
بقينا ننتظر عشيرة الشيخ سلمان ومحد منهم اجى وخابرهم محمد ومحد يرد يبقى يدك التيلفون الى ان يفصل ومحد بيهم يرد
اخير شي طلعلو مغلق باوع علينا وهو خجلان لان هو تعهد بالصلح وجانو منطينو كلمة انهم راح يجون بس من اجينا احنا هم ما اجو يعني ما يريدون ينهون المشكلة
عيدان.. الضاهر حجيت ويا الي ماعندو كلمة ابني
محمد.. اعذرني شيخنا حقكم على راسي
عيدان.. لا ابني ما النا حق عليك حقنا عليهم وراح ناخذو بنفسنا
محمد.. اني راح ادزلهم رسالة بانو الكعدة انلغت بسببهم واني مرة ثانية ما اتدخل بكعدة هم طرف بيها وراح انطي خبر لكل الشيوخ الي اعرفهم بالي صار
عيدان.. ماكدر اكلك لا تحجي لان مو بعيدة يفشلون شيخ ثاني بسبب تراجعهم عن كلمتهم
محمد.. صحيح والله هسا اني مفتشل منكم بسببهم
عيدان.. افه عليك يا محمد انت مثل اوس والابن ما يفتشل من ابوه
محمد.. الله يعزك شيخنا ويعلي مقامك
عيدان.. ماطول الكعدة انلغت احنا نترخص
محمد.. ابد ما تمشون قبل الغدا
عيدان.. تعرف البيت مابيه بس ابني الوسطاني واحتمال يحتاجون شي
محمد.. تغدو وبعدها ما امنعكم من الروحة بس هسا ما تمشون
أنت تقرأ
ليس ذنبي
Romansaاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
