#ليس_ذنبي
بقلم #احمد
البارت_22 الجزء الثاني
ملاك .. الساعة صارت 8 تقريبا وخلصو الجهال كالت ام علاء خلي اخابر غسان يجي ياخذنا كلتلها لا شوفيلنا احد غيرو كالت ليش اشوفلي غيرو وتضحك بخباثة
كلتلها ترا اعرف قصدج وعناد بيج وربي اذا اتصلتي عليه فلا اروح ضحكت من كل كلبها وكالت هاي هي راح اتصل على اخوه امري لله
اتصلت عليه وكالتلو يجي ياخذنا وكالت مو تدزلي غسان تجي انت بنفسك كاللها تمام عمة جايكم تحظرو وسكرت منو ولبست النقاب وانتظرناه
من اجى قفلنا البيت وركبنا بالسيارة واخذنا لبيت الشيخ وكف عند البيت وراح باتجاه المضيف علمود يسلم عليهم واني دخلت ويا ام علاء للبيت
ملاك .. اعتقد راح نعيش يوم طويل ومليان مصايب
هيا .. ليش
ملاك .. اشرتلها براسي باوعت شافت اخت هيام دخلت لبيت الشيخ وما جانت منتبهة علينا كالت معليج بيها ابقي وياي بالصالة كلتلها تمام
دخلنا للبيت والحمدلله ياربي جانت هيام بالحمام فسلمنا عالكل الا هي وجانن امها واختها هم مكروهات بس ما جانن مثلها اهون بهواي
جان اكو نسوان من عمام اوس البقية هم متجمعين كلهم عند الشيخ لان اول يوم العيد فاني تجاهلت كلشي وكعدت ويا ام علاء بالصالة علمود ما التقي بهيام
جانن يسولفن النسوان وجانت كعدة البنت ويا النسوان الكبار غريبة نوعا ما لان معروف دائما بهيج ظروف البنات يتجمعن لحالهن والكبار لحالهن
باوعت علي ام هيام كالت ملاك ليش كاعدة هنا شعجب ما رحتي عند البنات قبل ما احجي كالت ام علاء اني اريدها تبقى يمي وضعها الصحي متخربط
الشيخة كالت شبيها كالت شوية تعبت من الصيام ولان جسمها مو متعود عالافطار تخربطت اليوم وكلهن كالن عندها العافية ما تشوف شر
ام هيام كالت ترا هنا البنات قابل بغير بيت لو غير منطقة كالتلها ام علاء يعني الا اكلج بقيتها يمي من ورا بنتج هيام الي تدورلها حجة عليها
سوت نفسها متفاجئة كالت ليش شبيها هيام شمسويتلها كالتلها ام علاء ترا تعرفين كلش زين شنو سوت هيام فلا تغشمين نفسج مو حلوة بحقج
نهت الكلام الشيخة وكالت شبيكن صدك تحجن اني اتخذت وضعية السكوت وما حجيت كلشي خليت ام علاء هي تحجي بدالي احسن بهواي
باوعت بجهة المطبخ جانت هيام واكفة مقابيلي وتباوعلي بعصبية ابتسمتلها بس احسها تخبلت من العصبية تريد بس تمسكني علمود تنتقم مني
تجاهلتها وبقيت بالصالة الى ان جابو الغدا جان الطبخ عند الزلم لان عازمين كرايبهم كلهم والنسوان ما يكدرن يطبخن هالكمية هاي
أنت تقرأ
ليس ذنبي
Romanceاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
