#ليس_ذنبي
بقلم #احمد
البارت_7
گمر .. راحو لبيتهم هم وزيد واحنا هم نمنا بس من التعب مجرد حطيت راسي عالمخدة فورا نمت
بعدها رجعنا للروتين الطبيعي بس صرت ما اروح ويا بابا للبستان بحكم انو صرت على ذمة رجل فما يصير اطلع من بيت اهلي بدون علمو
حتى لو كان ابوي موجود او لحد الان ما تزوجنا رسمي خلاص العقد صار صرت زوجتو بالشرع وحرام علي اطلع بدون ما يأذنلي او بدون علمو
واتذكر مرة بابا كال اذا طلعت الزوجة من البيت بدون علم زوجها لعنتها الملائكة حتى ترجع لهذا بابا جان دائما حريص وما يخليني اطلع ابد
واكيد يستثنى من هذا الحديث الخروج الاضطراري مثلا اذا اكون مريضة لو شي بالاخص ماكو تيلفون نخابرو فبهاي الحالة عادي يصير اطلع
بعد النيشان باسبوع اجى ابو الولد وما جنا متوقعين جيتو لان ذيج المرة كال نسوي النيشان وبعدو بفترة نحدد العرس فتوقعنا اقل شي بعد النيشان بشهر واخذو ابوي للغرفة
جاسم .. مساك الله بالخير
محمد .. مساك الله بالنور ابو رائد شلونك
جاسم .. الحمدلله انت شلونك الاهل شلونهم
محمد .. الحمدلله الكل بخير اكول ابو رائد سؤال بلا زحمة
جاسم .. تفضل اخوي اسأل
محمد .. الاهل مكملين شغلهم
جاسم .. والله ماعرف بس ليش هالسؤال
محمد .. والله الولد خبلنا يريد يتزوج
جاسم .. هههههههه اي يابة حقو
محمد .. والله احنا على اساس متفقين نأجل العرس فد شهرين هيج بس شو هذا تخبل لو تزوجوني هسا لو نتخارب
جاسم .. ههههههههه شباب بعد دمو حار ويحب يستعجل بكلشي
محمد .. اي والله صدكت
جاسم .. وايمتى تريدون تسوون العرس
محمد .. بلكي هالاسبوع هذا يعني يوم الخميس الجاي
جاسم .. خليني لعد اشوف الاهل واردلك خبر
محمد .. تمام على راحتك
جاسم .. من رخصتك هسا ارجع بوية سعد صب جاي لعمك بين ما ارجع
محمد .. مرخوص
گمر .. كاعدين بالمطبخ واجى بابا
جاسم .. هدى
هدى .. هلا جاسم
جاسم .. اكلج جهاز گمر كامل
هدى .. اي كملناه ليش
جاسم .. ابو نعيم يكول بلكي نسوي العرس الاسبوع الجاي يوم الخميس
أنت تقرأ
ليس ذنبي
Roman d'amourاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
