ليس ذنبي

البارت (28) الجزء الثاني

#ليس_ذنبي
بقلم #احمد
البارت_28 الجزء الثاني

اوس .. يعني يمة شنو رايج ترا عقلي مدا يصفى على راي

نهلة .. رايي توكل على الله وتزوجها

اوس .. بس لا تحجين وياها بالموضوع هسا لحد ما اكلج

نهلة .. بس شوف يمة احلفك بالله اذا قررت تتزوجها لا تأذيها وتزعلها ترا هي يتيمة وربك يسألك عنها يوم القيامة والي عاشتو قبل يكفي

اوس .. اكيد يمة قابل انقذها علمود ارجع اذيها

نهلة .. الله يوفقكم يمة ويجمعكم بالخير والحلال

اوس .. آمين

ملاك .. منو ذول

سمر .. شعرفني

ملاك .. لعد شعرفهم فصخت خطوبتي ويا غسان

دعاء .. شجابها خطوبة ترا مجرد كلام ما انخطبتي الو

سمر .. دنجبي انتي مسوية نفسج خبيرة براسنا نعرف مو مخطوبة بعد

دعاء .. عوذة منج ومن لسانج

سمر .. هههههههه تستاهلين حبي

دعاء .. بصراحة عندي احساس انو هالخطوبة وراها شي

سمر .. كلنا عندنا هالاحساس بس ما نكدر نسوي شي

ملاك .. حاسة انو سببتلكم مشاكل انتو بغنى عنها

سمر .. اني اعلمج

ملاك .. استغربت من ردة فعلها شو هاي عافتنا وراحت للصالة شوية وسمعت الشيخ يصيحنا باوعت على دعاء كلتلها عزا بعينها فضحتني

دعاء صار وجهها احمر من الضحك واني ما يصير اتأخر عالشيخ فانجبرت اروح جانت هي واكفة عندو وتباوعلي بابتسامة خباثة

الشيخ جان منزعج كال بوية شنو هالكلام الي دا اسمعو وماعرف شجاوبو بقيت ساكتة كال مرة ثانية ديري بالج تعيدين هالكلام ترا تزعليني منج

كلتلو اسفة مو قصدي كال اني كلتلج من قبل انتي مثل بنتي فاذا تعتبريني مثل ابوج ما تحسين انو مشاكلج اني بغنى عنها فهمتي بوية

كلتلو مو قصدي بس لان المشكلة صارت بسببي كال عادي بوية المشاكل لابد منها ويجوز هاي المشكلة بيها خير وراح نعرفو بالايام الجاية

كلتلو إن شاء الله وترخصت منو ورجعت للمطبخ واني ميتة قهر من سمر اريدها بس تجي علمود ابرد كلبي بيها بسبب الموقف الخايس الي حطتني بيه

بس هي الخبيثة تعرفني انتظرها صارت مقابيل المطبخ واشرتلي بايدها وهي تضحك وركضت للدرج ولان ادري بنفسي ما الحكها عفتها

ورا شوية نزلت الشيخة وبعدها بربع ساعة تقريبا نزل اوس اجى للمطبخ جنت واكفة عند الكاونتر كال ملاك كلاص ماي ولا تصغرين