ليس ذنبي

البارت (45) الجزء الثاني

#ليس_ذنبي
بقلم #احمد
البارت_45 الجزء الثاني

ملاك .. كملنا كلامنا سوا بس غيرنا الموضوع لان جان الموضوع حزين واحنا بايام فرح وما نريد نحزن ونضوج بس المشكلة بي اني

جنت مدمنة على شي اسمو ذكريات ماما حابة يكون كدامي شاشة واشوف بيها حياة ماما لحضة بلحضة بس لان حسين خالتي ضاجت سكتت واخير شي رحنا نمنا

ثاني يوم الصبح اوس اتصل على ام علاء كاللها خلي ملاك وخالتها يتحظرن نروح للمحكمة نسوي عقد وسكرت منو وفورا تحظرنا وكملنا

ورا شوية اندك الباب واستغربت ليش ما دخل بس يجوز مستعجل راحت خالتي فتحت الباب واني جيت وراها بس من شفتو دخل تجمدت بمكاني

الي دخل مو اوس الي دخل سامي ..........

اول ما شفتو ترجعت بخوف وهو جان يباوعلي بنظرات غريبة لا هي حقد ولا هي ندم وصلت ام علاء وختلت وراها وهي حضنتني ووكفت تباوعلو

جانو يحجون هو وخالتي بس الغريب انهم يحجون بهدوء وصوتهم ما يوصلني لان بعيدين بس صار عندي فضول اعرف شنو جانو يحجون

بس مستحيل اكدر اتقدم عليهم وسامي كدامي وبوقتها ارجف رجف مو طبيعي من الخوف ماعرف شلون ما صار بي سكر بذاك اليوم من الخوف

شوية ودخل اوس ماعرف شحجى وياهم واشرلي كال ملاك تعالي باوعت عل  سامي وبقيت بمكاني تقدم اوس واجى علي كالي تعالي وياي

جنت كلش خايفة وكلتلو ما اجي كال لا تخافين بوية ما يكدر يلمسج واني وياج بس اسمعي شنو يريد يكول وبعدها نروح للمحكمة يلا تعالي وياي

تقدمت وياه بس كوة اخطي الخطوة من الخوف صرت بمسافة عنو وتوقفت دفعني اوس وثبتت نفسي علمود ما اتقدم بعد اكثر

جنت من الخوف ما اباوع بعيون سامي احس نظراتو مخيفة ما اريد اشوف عيونو ولا اريدو يشوف عيوني وهو تقدم باتجاهي

حاولت اتراجع ومسكني اوس وكال ابقي بمكانج خلي يحجي وياج لا تخافين اني وياج وهو مو جاي علمود يأذيج اثبتي بمكانج

سامي .. اسمعي ملاك اني اجيت هنا بطلب من خالتي ولخاطرها مو لخاطرج اني موافق على زواجكم بس لا تتوقعين هالشي معناها نتراضى

لا احنا مسامحيج عالفضيحة الي سببتيها النا ولا طالبين منج تسامحينا من اليوم ماعندج لا اخوان ولا اهل وحتى لو تبقين وحيدة لا تجين علينا

اني راح احجي ويا عمامي بعد ما زواجكم علمود يكون عندهم خبر وتكونون مخلصين من موضوعهم وما يكون عندكم خوف انهم يحاولون ياخذوج

هذا دا اسويه مو لخاطرج بس علمود اني ارتاح من الموضوع واكلج انو بعد لا نحاول نرجعج ولا النا علاقة بيج وباوس انتو بطريق واحنا بطريق