#ليس_ذنبي
بقلم #احمد
البارت_84 الجزء الثاني
البارت_الاخير
ملاك.. كالت سمر معليج بالجهال روحي وياها ومن تجين تلكيهم كاملين كلتلها ما اريد اتعبج وياي كالت لا تعب ولا شي بالعكس اني متونسة بيهم
كلتلها لعد تمام ورحت عالسريع جهزت نفسي ونزلت تريكت وبال 10 تقريبا رحنا للصالون وجانو جايين بعض المعازيم
بصراحة جنت اتونس بالروحة للصالون من ناحية الهدوء لان ماكو خبصة مثل البيت بس يبقى بالي عند الجهال لا اكثر ولا اقل
من وصلنا الصالون مثل البارحة بلشت بياقوت وبعدها اني وتعمدنا نروح بال 10 علمود بعد الغدا نكون جاهزات وتجي علينا الزفة
الساعة تقريبا 2 جهزنا ثنينا واتصلت على اوس كلتلو تعالو اخذونا كال شوية ونكون كدام الصالون وسكرت منو وبقينا ننتظر
وطكينا كم صورة اني وياها كالت المفروض نكتب عالصورة الام خطفت الاضواء بعرس بنتها خلتني من صدك اشبع ضحك
كلتلها بعيد عن المجاملات وغيرو وربي انتي احلى مني وبالمكياج والتسريحة والفستان الابيض طالعة كأنج ملاك مو بشر
من حجيت هيج خجلت وصارن خدودها حمر كلت بكلبي اللهم احرسها هي وذيب واسعدهم ولا تفرق بينهم طول العمر
من وصلت الزفة غطيتها وتأكدت ان ما يبين منها شي كدام الناس ولبست شالي وسترت نفسي وطلعنا جانن السيارات متجمعات كدام الصالون
سيارة العاروس جان السايق اوس وذيب وياقوت ركبو من ورا واني صعدت يم اوس وبعدها انطلقنا باتجاه ستوديو تصوير
طبعا سبب سياقة اوس هو انو ما يريدون ذيب يتعب بسبب السيارة وبالاخص انو ينجبر يحرك ايديها ويا الستيرن
او يضغط عالبانزين او البريك يعني بالمجمل السياقة متعبة الو وهم ما يريدون يتعبوه باوعت عليه جان يريد يشيل الغطى
كلتلو بعصبية ولك ذيب شدتسوي كال استغفر الله شبيج لاحكتني على كلشي دخليني اشوف خلقة الله عابتج لهالجهرة
كالها بحسرة بحيث ضحكت عليه الا دموعي طلعن كلتلو هسا نوصل الاستوديو وهناك تكدر تشوفها تحمل كم دقيقة بعد
اوس جان يضحك عالموقف كلتلو صدك اني اعاتب ذيب ونسيت هاي الفصعونة الي يمو حتى ما كالتلو لا عاجبها الموضوع
كال اوس دعوفيهم شكد نحسة خليهم متونسين كلتلو ياااااا هاي اني كال اي هاي انتي كلتلو خوش بسيطة يا اوس
سويت نفسي زعلانة رغم اعرف بيه يتشاقة وياي وهو يباوع علي ويوزع ابتسامات بس ما حجى شي بقى ساكت
من وصلنا الاستوديو نزلو ياقوت وذيب ودخلنا وياهم وبلشت جلست التصوير المشتركة وبعدها طلعو الكرايب وبقو ذيب وياقوت
أنت تقرأ
ليس ذنبي
Romanceاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
