#ليس_ذنبي
بقلم #احمد
البارت_72 الجزء الثاني
((#ملاحضة : باجر إن شاء الله يعلنون عن اسماء الجيش واني من ضمن الي مسجلين ادعولي الله يوفقني ويطلع اسمي بلكي الله يتقبل دعواتكم حتى الي ما يعرفني واول مرة يشوف المنشور ادعيلي حتى لو بدون ما تكتبها ❤))
ملاك .. طرت من الفرح من كالتلي موافقة واخذتها للشيخة واني متحمسة لجهازها كلتلها عمة ياقوت تريد تنطيج قرارها النهائي شلون كملت كلامي سمعت صوت يكول ياقوت مو موافقة
جان اخر صوت متوقعة اسمعو اندارينا كلنا عليه باستغراب جان واكف يم باب الصالة كال مثل ما كلتلكم ياقوت مو موافقة وبلغت عمتي بالقرار
ملاك .. منين عرفت انها مو موافقة
اوس .. عرفت ومشى الحال
نهلة .. هاي هي لعد بس ليش مستغربة ملاك
ملاك .. لا ماكو شي .. جنت اريد افهم من اوس بالبداية
ياقوت .. اني اترخص
اوس .. مرخوصة بوية
ملاك .. ممكن افهم شلون عرفت
اوس .. بعدين تعرفين
ملاك .. اوس احجي لا تخبلني البنية جانت موافقة قبل ما تجي هنا
اوس .. اي لعد اعتبريني اني مو موافق
ملاك .. وشنو السبب
اوس .. هيج بدون سبب ما مقتنع بزواجها
نهلة.. اوس شنو الموضوع ترا ما فهمت شي
اوس.. كل ما بالموضوع ان ما مقتنع بزواج ياقوت وبلغت عمتي ان البنت رافضة وما نكدر نجبرها
عيدان.. السلام عليكم
الكل.. عليكم السلام
عيدان.. شبيكم ضايجين
اوس.. ماكو شي يابة
نهلة.. اوس مبلغ عمتو ان ياقوت رافضة الزواج
عيدان.. تمام هاي هي لعد
نهلة.. بس البنت ما رفضت
عيدان.. باستغراب .. ما فهمت
نهلة.. البنت جانت موافقة واوس من يمو رفض
عيدان.. ليش رفضت اوس شنو السبب الي يخليك تتصرف هيج تصرف
اوس.. يابة ما مقتنع بزواجها ورفضت
عيدان.. بنفاذ صبر .. اوس اني مو اصغر جهالك وتقشمرني بهالكلام احجي ليش رفضت
اوس.. يابة والله هذا هو السبب
عيدان.. ومنو خولك تقرر هالقرار
اوس.. قررت ونفذت علمود ما ابقى متندم
عيدان.. بعصبية وصوت عالي.. اوووووووس اني ما متت وتقرر قرارات طايشة بدون اذني فاهممممم اذا تكون جبير اخوانك ما ينطيك حق تتصرف مثل هالتصرف
أنت تقرأ
ليس ذنبي
Romansaاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
