#ليس_ذنبي
بقلم #احمد
البارت_2 الحزء الثاني
ملاك .. حاولت بكل ما اكدر انو اقاوم وما ابجي بنص صلاتي بس خانني دموعي ونزلن خانتني الذاكرة وصارت تتذكر كل لحضة قضيتها وياهم
بجيت وفرغت كل همي لربي ورجعت عدت صلاتي ومن خلصت رفعت ايديني ودعيتلهم وويا كل كلمة تنزل دموعي من حركة كلبي عليهم
من خلصت شلت السجادة (المصلاية) ورجعت حضنت ملابس بابا وماما وبقيت اشم عطرهم الى ان رجعت نمت واحس عطرهم يخليني اكدر انام وانهزم من هالعالم
ماعرف شكد مر وقت فتحت عيوني لكيت نفسي بغرفة مستشفى ومشكليلي مغذي جانت الغرفة فارغة شوية ودخلت خالتي لانة وشافتني كاعدة
لانة .. ها حبيبتي شلون صرتي
ملاك .. بتعب .. زينة
لانة .. ليش هيج تسوين بنفسج
ملاك .. مو بايدي
لانة .. ما يصير يا ماما من البارحة مو ماكلة شي وتعذبين بنفسج وهذا كلو يخلي اهلج يزعلون عليج
ملاك .. ما الي نفس اكل
لانة .. كومي وياي ماطول خلص المغذي محمد سجلج خروج
ملاك .. تمام
نزعت صوندة المغذي وطلعت وياها جانو جايبين بسيارة جدو طلعت وياهم ورجعنا محمد للبيت ومن دخلنا عافنا وراح للجادر
من دخلنا تجمعن علي البنات يتطمن وجاوبتهن خالتي واخذتني لغرفتي نومتني وكالت ارتاحي هنا بين ما ارجع هزيتلها راسي وعافتني وراحت
تمددت عالسرير بس مو جايني نوم شوية وجابت وياها اكل خالتي كلتلها ما اشتهي بس هي ما يمشي عدها هالكلام وما عافتني الا اكلت
جنت كل ما اكوللها شبعت تكول من اني اقرر انو شبعتي اخذ الاكل الى درجة اختنكت كد ما اكلت كلتلها هاي هي خالة والله ماكدر بعد
كالتلي هسا نامي وارتاحي وانطتني علاجي واخذت الاكل وراحت واني تمددت بالفراش وبسبب العلاج نعست ورجعت نمت مرة ثانية
من كعدت اجت خالتي لانة واخذتني وياها كالت ابقي ويا البنات لا تبقين لحالج وجانت من ينحط الاكل تجبرني اكل حتى لو بطني متروسة
بذيج الفترة رب العالمين خلاها بطريقي علمود تهتم بي لولا الله ثم وجودها جان بس الله يعلم شنو حالتي ومن اختلطت ويا البنات شوية احس نفسيتي ارتاحت
من صارت الدنيا ليل تعبت كلش ورحت لغرفتي وانتبهت ماكو ملابس بابا وماما ورحت لغرفتهم جانن محطوطات على فراشهم واخذتهن ورجعت لفراشي
حضنتهن وغلبني الشوق الهم وماكدرت امسك دموعي ونمت وخدودي مبللات دموع ثاني يوم كعدت واحس شوية وجع براسي
أنت تقرأ
ليس ذنبي
Romansاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
