#ليس_ذنبي
بقلم #احمد
البارت_41 الجزء الثاني
(يا اخوان صايرة وياي مشكلة ممكن المغرب او بالليل نجتمع علمود نحلها ادعولي تنحل بخير وحطولي توقعاتكم للقصة بتعليق )
اوس .. من كالت هيج شبعو ضحك عليها وبصراحة تصرفاتها هاي تحسسني انو تتذكرني بس دا تحاول تعصبني علمود تشوف ردة فعلي
بس من خلال تصرفاتها ويا البقية ارفض الفكرة لان مو معقولة خالتها يمها وتبقى تتصرف هيج ومو معقولة ترجع ذاكرتها بهاي السرعة
من اجو اخواني وابوي بقو بالاستقبال علمود خالتها تاخذ راحتها بس اني بحكم انو رحتلهم للبيت وحجيت وياهم فشوية انزاح التقيد بيناتنا
مر باقي اليوم طبيعي بس بصراحة جنت حاب اعرف شنو صار ويا ليان يا ترا اهلها عرفو لو لا بس اذا عارفين جان وصلنا خبر فورا
وبهالحالة يا يحاولون يوكعوها براسي او يقتلوها كغسل عار بس الضاهر هي بقت ساكتة وهالشي لمصلحة الكل علمود محد يتأذى او يتورط بشي
من اجى وقت النوم رحت لغرفتي واحس تعب الايام الي راحت كلو طلع علي هسا بحيث اول ما حطيت راسي عالمخدة رحت بسابع نومة
ثاني يوم كعدت باوعت للساعة 10 الصبح قبل ما ارفع راسي سمعت صوت وحدة دا تغني قريب من غرفتي ومن الصوت عرفتها ملاك
كمت واني مستغرب وجان صوتها مو واضح فتحت باب الغرفة جانت واكفة كدام زرعة بلاستيكية وتباوع عليها وتغني بصوت ناصي
بس الصدمة انها لابسة دشداشة مثل الي جانت لابستها عند ام علاء بس لونها احمر تجمدت بمكاني ماعرف انتبه لصوتها الي يخبل لو لشكلها الي يخبل بعد اكثر
سكتت شوية وكالت للنبتة دولي صوجي اني دا اغنيلج اروح اغني لماما احسن وراحت باتجاه الدرج صحتها كلتلها ملاك وين رايحة بهاللبس
باوعت علي كالت انت مدخلك الوحش كلتلها ارجعي غيري ملابسج وبعدين انزلي كالت لا والله خاف متقبل والله فلا ابدل وطلعتلي لسانها
تقدمت عليها وعافتني وانهزمت وتصيح ماما ماما كلتلها ولج انتبهي لا توكعين بس ما اهتمت لكلامي ونزلت ركض وشعرها يتطاير وراها
امي وخالتها طلعن من الصالة على صراخها ودعاء وسمر طلعن من المطبخ وهي زتت نفسها بحضن امي وتصيح ماما يريد ياكلني الوحش
خالتها سحبت نفس وكالتلها ملاك صدك تحجين هبطتيني عبالي صايرلج شي كالت خالة شوفي الوحش يريد ياكلني امي ضحكت وكالت لا حبيبتي ما ياكلج
كلتلها يمة خلي تبدل ملابسها عيب من الولد وابوي كالت وانت شنو معذور لو عندك صلاحية تباوع يلا اطلع منا ولا ترجع للبيت الا نكولك
كلتلها هاي الناقصة انطرد من البيت بسبب هالزعطوطة بس تعالي اكلج هو اكو واحد يغني لزرعة بلاسيكية انتي فقدتي ذاكرتج لو فقدتي مخج
أنت تقرأ
ليس ذنبي
Romanceاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
