#ليس_ذنبي
بقام #احمد
البارت_17 الجزء الثاني
هيا .. المهم خلي اخابر غسان (ابن اخوها) يجيبلنا حلويات على هالفرحة هاي
ملاك .. هههههههههه الله يديم فرحج
هيا .. آمين
مر اليوم طبيعي بالليل جان طالع فلم اكشن على MBC2 كعدنا نتابع وناكل حلويات وكلش استمتعنا بالفلم وصار عندنا حماس مو طبيعي
ثاني يوم الصبح اجو اوس والبنات وامهم استقبلناهم ولان اوس موجود لبست عبايتي والشال وطلعت كعدت يمهم بالصالة وصارت تحجي الشيخة
نهلة .. يمة ملاك صدك تريدين تبقين
ملاك .. اي عمة صدك
نهلة .. ليش يمة احنا قصرنا وياج بذر مننا شي لا قدر الله
ملاك .. لا والله عمة ياريت الناس كلهم مثلكم جان ما نزلت من عيوني دمعة وحدة
نهلة .. ليش لعد تريدين تبقين هنا
ملاك .. عمة اني حبيت ام علاء وارتاحيت كلش بوجودي هنا وهم ما اريد اسلب راحة الولد برجعتي وحتى لو تكولون ما اسلب راحتهم يبقون متقيدين بوجودي
نهلة .. واذا يبقون متقيدين المهم تكونين يمنا
ملاك .. لا عمة ما اريدهم يتقيدون اذا ابقى هنا احسن الي والهم وتكدرون تجون دائما هنا اشوفكم واتونس وياكم
نهلة .. يعني متأكدة من قرارج
ملاك .. اي عمة متأكدة
نهلة .. لعد على راحتج يمة ما راح اضغط عليج
ملاك .. اخذت سمر ودعاء ورحت اجهزلهم الغدا وجانن كلش زعلانات بس من شرحتلهن وضعي ووضع الولد اقتنعن
بس مع هذا يبقن ضايجات لان خطية جانن ينتظرن تخلص عدتي علمود ارجع واني صدمتهن بهالقرار بس عسى ان تكرهو شيئا وهو خيرا لكم
جنا نحجي واوس كاعد ويا امو وام علاء واجاه اتصال وطلع خارج كمل اتصالو ورجع للصالة وسمعناه كال سمر صيحي ملاك خلي تجي ورحت عليهم
اوس .. ابوي اتصل يكول باجر محاكمة اياد وحسان
ملاك .. اي وشنو لازم اسوي
اوس .. حظري نفسج ناخذج اليوم ويانا وباجر بعد الجلسة ترجعين
هيا .. لا عوفها هنا وتعال اخذها الصبح
اوس .. لا ام علاء نتأخر هيج
نهلة .. ام علاء ترا هاي بنيتنا قبل ما تصير بنيتج
هيا .. هههههههه والله تعودت عليها ما اريدها تروح لو يوم واحد
ملاك .. عادي خالة (ام علاء) اروح وياهم اليوم وباجر ارجع
هيا .. على راحتج يمة
ملاك ..رجعت عند البنات وكلتلهن بوية لو تشوفون فرحة سمر من صدك طارت من الفرح ولو بكيفها جان سوت حفلة لان راح اروح وياهم
أنت تقرأ
ليس ذنبي
Romansaاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
