#ليس_ذنبي
بقلم #احمد
البارت_83
اوس.. اي والله خيولي معليج بيه
وصلنا البيت ودخلت ياقوت واني سألت ذيب اذا يحتاج اسندو كال لا وعفتو ورحت على ملاك دخلت للغرفة لكيتها دا تبجي وتشهك
اوس.. باستغراب .. ها شكو شنو صاير وليش تبجين
ملاك.. تعال اكعد اريد احجي وياك
اوس.. احجي بوية شصاير قلقتيني
ملاك.. مو صاير شي بس اجت ببالي شغلة
اوس.. وشنو هالشغلة هاي
ملاك.. معقولة علي وكرار ممكن يظلمون گمر مثل ما ظلموني اخواني
اوس.. وشذكرج بهالشي هذا
ملاك.. فدوة جاوبني
اوس.. وشنو الي يخليهم يأذوها
ملاك.. وشنو الي خلا اخواني يأذوني
اوس.. اولا ماكو سحر ببيتنا ولا اكو احد يحرضهم
ملاك.. خايفة يظلموها واكون اني السبب
اوس.. كلتلج من قبل وارجع اعيدها لا ذنبج انج انظلمتي ولا ذنبج اذا اظلم غيرج
ملاك.. يجوز ذنبي انظلمت شعرفك
اوس.. لا بوية مو ذنبج مجرد اختبار من الله هالشي هذا
ملاك.. اي
اوس.. شيلي هالتفكير من بالج وبالاخص انهم ما يفهمون هسا ترا اذا دخل الموضوع ببالهم ممكن يسووه
ملاك.. لا إن شاء الله ما يسووه
اوس.. إن شاء الله .. يلا نروح للصالة
ملاك.. تمام
عفت الجهال نايمين وحتى ما حجيت وياه عن عقد المحكمة ومن رحنا للصالة جانو كاعدين كلهم عدا ياقوت دا تحط الاكل ودعاء طبختو
ملاك.. دعاء انتبهولي انتي وقيس وذيب
دعاء.. احجي حبيبتي شكو
ملاك.. تتحملون الامانة
قيس..احجي بدون مقدمات
دعاء.. إن شاء الله نكون كدها حبيبتي
ملاك.. اذا صارلي شي جهالي امانة يمكم واهم شي ما تعوفون علي وكرار يظلمون گمر مهما كان
اوس.. هاي شبيج ملاك مو هسا حجينا بالموضوع
قيس.. شكو بوية ليش دا تحجين هيج
اوس.. متخبلة علينا اليوم تعال اثبتلي جهالي ما يظلمون اختهم مثل ما اخوانها ظلموها
قيس.. ملاك اكدر اعرف السبب الي خلاج تفكرين هيج
ملاك.. ماكو سبب بس ما اريد يتكرر الي صار وياي لبنتي
أنت تقرأ
ليس ذنبي
Romanceاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
