#ليس_ذنبي
بقلم #احمد
البارت_8
گمر .. اخذني للغرفة بدلت واجيت لكيتو متمدد بالفراش تمددت يمو وسحبني لحضنو حسيت حضنو بيه امان وسكينة ومن تمددت فورا نمت
رغم بهيج ايام العريس يريد بس يختلي ويا العاروس علمود حقو بس منير جان كلش متفهم وابد ما زعجبني بالعكس قدم راحتي على راحتو
كعدنا ثاني يوم جان منير نايم وتركتو براحتو ما حبيت ازعجو اكيد تعبان بدلت ملابسي ونزلت لكيتهم دا يتريكون صاحتني ماما ورحت كعدت يمها
تريكت ونزل منير هم مبدل وتريك ومن خلصنا ماما جانت تريد تروح وشكد حاولت وياها ما اقتنعت تبقى كالت لمنير باجر معزومين عالغدا يمنا
گمر .. لعد تروحين ويانا باجر
هدى .. لا بنيتي اروح اليوم علمود باجر اجهز الغدا خطية خيتج لانة لحالها هسا الله بحالها
گمر .. ماشي ماما براحتج
جانت تريد من منير يجيبلها تكسي بس ما قبل واخذها بنفسو وصلها للبيت ورجع وبصراحة من راحت احس الوضع تغير عن قبل بهواي
حسيت نفسي مثل الطفلة من تضيع من اهلها وتبقى خايفة ويمكن لو احد يركز بملامح وجهي راح يقرا الخوف الي ما جان موجود قبل ما تروح ماما
خوات منير راحن والجناين رجعن لشغلهن واني بقيت كاعدة يم ام منير لان جانن موجودات نسوان وهم عندهم قانون العاروس ما تشتغل قبل اليوم السابع
قبل الظهر راحن النسوان وحطولنا الغدا وتغدينا وبعد ما خلصنا اجى منير وصعد للغرفة واشرتلي امو كالت الحكي زوجج خاف يحتاج منج شي
رحت عليه لكيتو دا يسبح وتمددت عالسرير وبدون ما ادري بنفسي اخذتني الغفوة وحسيت على حركة يمي كعدت لكيت منير متمدد يمي ويباوع لوجهي
گمر .. ها شو تباوع
منير .. تريدين الصراحة
گمر .. شنو
منير .. نظرتج من شفتج اول مرة مدا تروح من بالي
گمر .. ليش
منير .. ماعرف بس من شفت نظرتج وشلون انهزمتي انطبع الموقف بتفكيري
گمر .. اصلا زعلت من اهلي ذيج المرة
منير .. باستغراب .. ليش
گمر .. ما جنت اريدك تشوفني
منير .. ليش عود
گمر .. استحيت انو تجي تشوفني بعلم اخواني وتكعد وياي بنفس الغرفة وبالاخص بذاك اليوم مرتبة نفسي
منير .. غير شوفة شرعية
گمر .. والله عاد شرعية ولا غير اني هيج مخي
منير .. تدرين جنت رافض اتزوج من الريف بالبداية
گمر .. ليش
أنت تقرأ
ليس ذنبي
Roman d'amourاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
