#ليس_ذنبي
بقلم #احمد
البارت_4 الجزء الثاني
ملاك .. من حجى هيج انترس كلبي رعب صرت ادفعو واتوسل بيه يعوفني وهو ولا يمو وصرت اصرخ وحط ايدو على حلكي ومثبتني عالحايط
جاسم .. ملاااااااااكككككككككك
ملاك .. من صاح علي جاسم ما بقى دم بجسمي من الخوف ووجهي صار اصفر والولد فورا بعد ايدو عني وانهزمت باتجاه جاسم ومن وصلتو صرت وراه
باوع علي بعصبية وحجى بصوت مرعب كال انكلعي للبيت ومن الخوف رحت اركض للبيت وابجي ووجهي اصفر من الخوف وجسمي يرجف من الخوف بدال البرد
من دخلت دا اسكر الباب وانسحبت من شعري احس انشلع شعري كلو وصوت سامي صرخ باذني كال جنت ادري بيج يالساقطة اليوم حتى ربج ما يفكج مني
مسكت ايدو الي على شعري وكلتلو وربي ما دخلني بيه وربي ماعرفو واول مرة اشوفو فدوة سامي وربي مدخلني بيه هو اعترض طريقي
جان يسحبني من شعري كل قوتو واخذني للغرفة من دخل دفعني بقوة وقفل الباب كلتلو لا فدوة سامي وربي ما دخلني وربي هو طلع بطريقي
كال هو طلع بطريقج يا ساقطة هو طلع بطريقج وواكفة تطكين سوالف وياه يوم واحد ما راح احد وياج صرتي تلعبين بذيلج مو اني اعلمج
جنت اتوسل بيه بس ما يسمع مني مسكني من شعري مرة ثانية وكال هسا منو يخلصج مني وضربني راشدي احس شلع خدي ويا ايدو
رجع ضربني مرة ثانية واني ابجي واتوسل بيه يصدكني انو اني بريئة وهو ولا يمو كأنو فرصة واجتو علمود يبرد كلبو بالي سواه جدي بيهم
وما كفتو الراشديات سكر ايدو وضربني على بطني بوكس احس ايدو اخترقت بطني وصرخت صرخة بس الله يعلم بيها وصرت ارافس من الوجع
جنت مكرفصة بالكاع وماسكة بطني من الوجع واصرخ كل قوتي واحس بحركة ايدو على شعري وما حسيت الا جديلة شعري وكعت كدام عيوني
من الصدمة لا حسيت بوجع بطني ولا وجع الضرب واباوع على جديلة شعري المقطوعة كدامي وفاتحة عيوني على وسعهن وحتى صوتي اختفى
مديت ايدي اريد امسكها وداس على ايدي برجلو كل قوتو وجان بوقتها لابس قندرة (حشى القارئ) بحيث صرخة صرخة طلعت من اعماق كلبي
وسحب الجديلة ولفها على ركبتي وصار يخنكني بيها بوقتها عرفت التوسل ما يفيدني جانن دموعي يجرن وابجي من الوجع الي اكلني اكل
جنت اريد اسحب نفس ولان خانكني ماكدر وصرت ارافس من غلاة الروح اريد بس اسحب نفس ماكو وبقى خانكني لحد ما صار لوني ازرك
على اخر لحضة تركني سحبت نفس بقوة وصرت اكح كل قوتي ورجع ضربني راشدي كل قوتو ومسكن من ملابسي من فوك صدري وضربني بوكس على وجهي
أنت تقرأ
ليس ذنبي
Roman d'amourاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
