#ليس_ذنبي
بقلم #احمد
البارت_37
(راح ابلش بالبارت الثاني ماعرف ايمتى اكملو لان بالنهار جنت اشتغل ويا ابوي بالسيارة وماكدرت اكتب شي 🥺💔)
ملاك .. بعد صلاة المغرب نقلنا الاكل وتجمعنا كلنا عالعشى بس جنت مستغربة ان ابو هيام واخوانها ليش ما يجون بس ما جنت اسأل لان ما اريد اتدخل بالموضوع
ومن بلشنا عشى جانت هيام تراقبني مثل الرادار واني اراقب ليان هههههه بس الي ما توقعتو انو انتبهت هيام على نظرات ليان لاوس
صارت تباوع لليان بغضب بس ليان ما جانت منتبهة عليها بحيث هيام عافت الاكل وبس تباوع عليها وانتبهت ليان عليها واستغربت من نظراتها
شفت نظرات الخوف بعيون ليان ومن شافت هيام هيج فورا نزلت عيونها وما رفعت راسها لحد ما خلصنا العشى وبلشنا ننقل المواعين
شفت ليان شالت صحون واخذتهن واول ما راحت لحكتها هيام كلت لسمر الحكي ليان بسرعة راح تتعارك وياها هيام وسمر عافتني وراحت بسرعة
اخذت صحون اني ولحكتهن بسرعة جانت واكفة سمر بينهن وهيام تحجي على ليان تكللها مو عيب عليج ناس دا يساعدوج فورا حطيتي عينج على ابنهم
سمر كالتلهم بعصبية وصوت عالي كافيييييي عاد هييياااام كافي ثبرتينا باوس طيح الله حظج على حظ اوس من اخذج وتورط على عمرو
على صوتها طلعو العيلة كال الشيخ سمر شنو هالصوت كالت يابة شكت حلوكنا هيام كل ما تجي هنا تسويلها مشكلة ويا ملاك وهسا لكيت ليان بدال ملاك
طلكها اوس وما ارتاحينا منها تعالي ليش اجت عينج على اوس وليش حجيتي ويا اوس ثبرتنا ثبر باوس اقسم بالله طلعت روحي منها ومن سوالفها
خلص اوس طلكج لو تحبيه من صدك جان درتي بالج عليه مو صخمتي عيشتو وعيشة الخلفو خلص اوس بح وراح نزوجو علمود تكطعين نفسج خلاص
عيدان .. سمر كافي
هيام .. كلامج مردود عليج بس يصير خير يا سمر
ملاك .. طلعت من البيت وصاحوها وما ردت على احد ولحكنها امها واختها وليان جانت من صدك خايفة خوف مو طبيعي ووجهها اصفر صاير
الشيخ وولدو صار يرزلون سمر يكلولها تحمليها هالساعة ساعتين كالت شنو يعني اتحملها واعوفها تتعارك ويا ضيوفنا على اي اساس
اوس الوحيد جان واكفة عند باب الصالة وساند نفسو عالحايط ويباوع ويضحك باوع عليه قيس كالو باع هذا الفطير مكيف ويضحك
كال اوس الله وكيلك لو فيلم درامي مو هيج بعدين ريحتني سمر ما يحتاج احجي وبصراحة حتى اني ريحتني سمر لان طوختها كلش هيام
صحيح ليان مذنبة بس اوس ماطول طلك هيام هاي هي تعوف اوس يشوف حياتو لو يريد يبقى وياها جان من زمان رجعها مو عايفها وناسيها
أنت تقرأ
ليس ذنبي
Romanceاحببت ما لم ارى وتمنيت العيش في ما بُني من الثرى فلا حلمٌ يفارقني ولا واقع يساعدني فتاة بريئة تعصف بها الحياة بسبب حسنة اُحتسبت ذنباً ارتكبته عمداً فهل سيبقى ذنباً ام تسطع عليه شمس الحقيقة كل هذا واكثر في رواية #ليس_ذنبي بقلم #احمد كونوا مع...
